.... میرا غم یہ نہیں، تنہائی مجھے مار گئی دکھ تو یہ ہے میں ترے ساتھ رہا کرتا تھا ۔۔۔ قطار سے نکل کے دوسری طرف بنا رہا ہے جو قطار کون ہے؟ ۔۔۔ جو حادثے کا ذمے دار ہے وہی یہ پوچھتا ہے: ذمے دار کون ہے؟ ۔۔۔ آسماں دیکھتا رہتا ہے سلیم گردشِ نقل مکانی میری ۔۔۔ تجھ تک دعا سلام سے پہلے پہنچنا ہے یعنی ہنر کو نام سے پہلے پہنچنا ہے ۔۔۔ تم لوگ روشنی کے ارادے سے آئے تھے تم سے تو اک دیا بھی جلایا نہیں گیا ۔۔۔ ہر طرف ہے غبارِ تنہائی راستہ تک نہیں گزرنے کو ۔۔۔ پوچھا ہے مرا حال کسی اور سے اُس نے میرے لیے اُس کا یہی پیغام بہت ہے ۔۔۔ ہوا گرائے کہ موجیں بہا کے لے جائیں مگر گھروندے بنا کر خوشی تو ہوتی ہے ۔۔۔ خوابوں کی فصلیں اشکوں میں ڈوب رہتی تھیں ابھی مجھے رستے میں اک دہقان ملا تھا ۔۔۔