فدک حضرت فاطمہ رضی اللہ عنہا کو حضرت ابوبکر ، حضرت عمر ، حضرت عثمان رضی اللہ عنہم نے نہیں دیا تھا ۔اس معاملے کی کیا حقیقت ہے ؟ جواب صورتِ مسئولہ میں باغِ فدک کے واقعہ کی حقیقت مندرجہ ذیل ہے۔ مذکورہ واقعہ بخاری شریف میں کتاب المغازی اور مسلم شریف میں کتاب الجہادمیں مذکور ہے، اس کی تفصیل یہ ہے کہ: حضور ﷺکی وفات کے بعد حضرت فاطمہ نے حضرت ابوبکر صدیق سے ان اموال (ترکہ ) سے اپنی میراث کا مطالبہ فرمایا جو اللہ تعالی نے رسول اللہ ْﷺ کو مدینہ اور فدک میں عنایت فرمائے تھے ،اس موقع پر حضرت ابوبکر صدیق نے حضرت فاطمہ رضی اللہ عنہا کو رسول اللہﷺ کی وہ روایت مبارکہ سنائی ’’ہماری میراث تقسیم نہیں ہوتی، بلکہ ہم جو کچھ چھوڑ جائیں وہ صدقہ ہے‘‘