برف باری کے بعد سردی میں خاطر خواہ اضافہ ہوگیا ہے جس کے بعد غالب گمان ہے کہ کراچی میں بھی سردی اپنا زور دکھائے گی۔ تفصیلات کے مطابق ملک بھر میں شدید سردی کی لہر برقرار ہے، بالائی علاقوں میں بارش اور برفباری سے موسم سرد ہوگیا ہے، محکمہ موسمیات نے ملک میں سردی کی شدت مزید بڑھنے کی پیشگوئی کی ہے۔ زیارت، مسلم باغ اور مستونگ کے علاقے لک پاس میں ہلکی برفباری ہوئی ہے جس کے سبب اہم شاہراہوں پر برف جمنے سے راستے بند ہوگئے۔ نیشنل ہائی وے اتھارٹی کے ترجمان کا کہنا ہے کہ کوئٹہ کی اہم شاہراہیں کھولنے کے لئے آپریشن جاری ہے، پی ڈی ایم اے کے اہلکار شاہراہوں میں ٹریفک کی روانی بحال کرنے کے کام میں مصروف عمل ہیں