BACK TO nadan...'s POSTS

کلفٹن میں واقع گِزری پُل پر پاکستانی انٹیلیجنس ایجنسیوں کے اہلکاروں نے فائرنگ کرکے نواب اکبر خان بگٹی کی پوتی اور براہمداغ خان بگٹی کی بڑی بہن، 34 سالہ زامُر بگٹی بنت ریحان بگٹی، ان کی 9 سالہ بیٹی جنت ڈومکی بنت بختیار ڈومکی اور ان کے ڈرائیور برکت بلوچ کو قتل کر دیا۔ اس رات وہ ڈی ایچ اے میں واقع کارلٹن ہوٹل میں اپنے کزن کی شادی کی تقریب میں شرکت کے بعد اپنے ماموں کے گھر جا رہی تھیں کہ راستے میں گزری پل پر سیاہ رنگ کی ایک گاڑی نے ان کی گاڑی کو روکا۔ اس گاڑی میں سے ایک نقاب پوش شخص اترا اور گاڑی کے ڈرائیور برکت بلوچ پر اندھا دھند فائرنگ کر دی۔ سر پر متعدد گولیاں لگنے کے باعث برکت بلوچ موقع پر ہی شہید ہو گئے۔ اس کے بعد حملہ آور نے گاڑی کا پچھلا دروازہ کھولا۔