نیں جَد وی بجلی لشکاں مارے کوئی رووے کوئی چیکاں مارے بُڈھے واہیوان دے لَک نُوں ساہوکار دا قرضہ توڑ کے رکھ دیوے گا بدلا! ایس وساکھی اُتے اُچیاں لمیاں کنکاں وانگوں ہسدیاں کِھڑدیاں کُڑیاں چِڑیاں ویکھیں کِدھرے ہاسیاں اُتے جال نہ سُٹیں ایتھے بُھکھیاں دی شنوائی کوئی نہیں ہُندی نہ کوئی قرضہ معاف کرے گا نہ کوئی اتھرو صاف کرے گا بدلا! سُن وے کالیا بدلا وائے! سُن نی تیز ہوائے جا بدل نُوں اوتھے لے جا جِتھوں دے ترہائے لوکی دُھپ نے سُکنے پائے لوکی وائے ! اڑیئے تیز ہوائے بدلا ! سُن وے کالیا بدلا اُچے لیکھاں والیا بدلا۔۔۔!