Beautiful Structures

نہ میں پاکاں وچ پلیتاں، نہ میں موسیٰ نہ فرعؤن بُھلا شاہ کی جاناں میں کون نہ میں اندر بید کتاباں، نہ وچ بھنگاں نہ شراباں، نہ وچ رنداں مست کھراباں، نہ وچ جاگن نہ وچ سون ۔ بلھا کی جانا میں کون ۔ نہ وچ شادی نہ غمناکی، نہ میں وچ پلیتی پاکی، نہ میں آبی نہ میں خاکی، نہ میں آتش نہ میں پون ۔ بلھا کی جانا میں کون ۔ نہ میں عربی نہ لاہوری، نہ میں ہندی شہر نگوری، نہ ہندو نہ ترک پشوری، نہ میں رہندا وچ ندون ۔ بلھا کی جانا میں کون ۔ نہ میں بھیت مذہب دا پایا، نہ میں آدم ہوا جایا، نہ میں اپنا نام دھرایا، نہ وچ بیٹھن نہ وچ بھون ۔ بلھا کی جانا میں کون ۔ اول آخر آپ نوں جاناں، نہ کوئی دوجا ہور پچھانا بلھا کی جانا میں ک