کاغان کا ایک خوبصورت چھوٹا سا گاؤں بٹہ کنڈی جو ناران سے تقریبا 10 کلو میٹر کے فاصلے پر واقع ہے ۔اس گاؤں کو وادی کاغان کا دل کہا جاتا ہے ۔ بٹہ کنڈی ہی وہ جگہ ہے جہاں سے تمام دروں کو راستے جاتے ہیں ۔اسی گاؤں کے بلکل اوپر بلندی پر لالہ زار کا ایک سر سبزوشاداب میدانی سلسلہ ہے جو آگے جا کر جھیل سیف الملوک تک جاتا ہے ۔بٹہ کنڈی ہی سے ایک اور درہ جو وادی سرن (سرن میدان) کو جاتا ہے اور یہی راستہ آگے کشمیر تک جاتا ہے۔