ہم کسی کے شکار نہیں ہیں، هم در حقیقت اپنے انتخاب کے شکار ہیں، دوسروں نے اپنی حدیں پار نہیں کیں، ہم ہی تھے جنہوں نے شروع سے ان کے لیے دروازے کھولے تھے
ہم نے اپنی عمر کا بہت سا حصہ ضائع کر دیا،
کیونکہ ہم نے تب 'ہاں' کہا جب ہمیں 'نا' کہنا چاہیے تھا
اور اس لیے کہ ہم نے وہاں کوما' لگایا، جہاں 'فل اسٹاپ' کی ضرورت تھی۔
✍🏻🥀
سال بدل گیا، کیلنڈر نے صفحہ موڑ لیا مگر میرے کندھوں پر بوجھ وہی ہے۔ ذمہ داریاں وہی، خاموشیاں وہی، بس بالوں میں کچھ سفیدی اور دل میں کچھ مزید افسوس آگیا۔
ہم مرد وقت کے ساتھ نہیں بدلتے، بس تھوڑا اور تھک جاتے ہیں۔ کچھ یادیں جیب میں رکھے، اور کچھ خواب دل میں دفن کیے، ہم آج بھی وہیں کھڑے ہیں جہاں کل مجبور ہو کر رکے تھے۔
✍🏻🥀
اگر کوئی پکارے تو فوراً پلٹ کر جواب دیا کریں۔ آپ نہیں جانتے پکارنے والے نے کتنی شدت، کرب اور کتنی حاجت میں آپ کو پکارا ہے۔ آپ مصروف رہیں گے کہ بس دو منٹ، آدھا گھنٹہ ، آج کا دن) اور سامنے والے کا غم ٹھنڈا ہو جائے گا۔
دکھ کم ہو جانے پہ آپ کے جواب دینے، پلٹ آنے کا کیا فائدہ؟ آنسو خشک ہو جانے پہ پونچھے جاتے ہیں کیا؟ دکھوں کا مداوا بھی وقت رہتے کیا جاتا ہے اسی لیے کوئی پکارے تو میسر رہا کریں۔
✍🏻🥀
میرے لیے سب سے مشکل وقت رات کا آخری پہر گزارنا ہے جب مجھے نیند نہیں آتی۔
لیکن اُس سے بھی بڑا مسئلہ یہ ہے کہ میرے پاس بات کرنے کے لیے بس فرضی کردار ہوتے ہیں، ایسے کردار جو کسی نہ کسی اذیت کے قفس میں ہیں۔
ان کرداروں کی وجہ سے ہی شاید میں اذیت کی اُن حدوں کو جانتا ہوں جن کو صرف سوچ لینے سے سر پھٹنے لگتا ہے۔ خیالات کی زد میں گزاری ہوئی رات صدیوں جیسی ہوتی ہے، جو ایک ہنستے ہوئے شخص سے مسکراہٹ چھین لیتی ہے۔ خیالات کا جنم ہی شاید خوشی کا اختتام ہے۔
✍🏻🥀
جیسے کسی ماں کے بیٹے کو پردیس میں موت آجاے جیسے کسی پہلی رات کی بیاہی دلہن کو طلاق آجاے جیسے کسی مفلس کی عمر بھر کی پونجی چور اٹھا کر لے جائیں جیسے کسی میلے میں آٹھ بہنوں کا اکلوتا بھائی کھو جائے جیسے کوئی بھائی، بھائی کی غداری سے مر جائے۔ ، جیسے کسی گناہ گار کو عین تو بہ سے پہلے موت آجاے جیسے کسی شریف کی بیٹی کو کوئی بھگا لے جائے
یہ سارے دکھ ایک طرف، اور وہ دُکھ ایک طرف جب آپکو غلط سمجھا جائے، نفرت کی جائے، اور آپ صفائی بھی نہ دے سکیں
✍🏻🥀
کچھ جگہوں کو چھوڑ دینا کچھ لوگوں سے کنارہ کر لینا نہ چاہتے ہوئے بھی مشکل فیصلے کرنا بعض اوقات ہمارے ذہنی سکون کے لیے ضروری ہوتا ہے۔
اور ایسے کٹھن فیصلے ہم سے وہی لوگ کرواتے ہیں
جن کے ہم نے صدقے اتارے ہوتے ہیں
✍🏻🥀
لوگ تب تک آپ سے محبت کرتے ہیں جب تک آپ انکی مرضی کے مطابق گفتگو کرتے ہیں
اگر کسی بات پر ذرا سا بھی اختلاف آجائے تو پھر وہی رشتہ آنا میں تبدیل ہو جاتا ہے اور لوگ پھر اپنی غلطی کی سزا بھی آپ کو دیتے ہیں۔
اس لیے اپنی توقعات اور امیدیں کم رکھیں یہی ایک واحد حل ہے مایوسی اور دل آزاری سے بچنے کا۔
یوسف نہ تھے مگر سر بازار آگئے
خوش فہمیاں یہ تھی کہ خریدار آگئے
✍🏻🥀
یہ دل بھی کتنا عجیب ہے ہر رات خود کو تسلیاں دیتا ہے کہ سب ٹھیک ہو جائے گا مگر صبح ہوتے ہی وہی پرانی تکلیفیں آنکھوں کے سامنے کھڑی ہوتی ہیں
کچھ یادیں ضدی بچوں کی طرح پیچھا نہیں چھوڑتی اور کچھ لوگ ایسے بچھڑتے ہیں جیسے وہ کبھی تھے ہی نہیں زندگی چلتی تو رہتی ہے
مگر کچھ کمی کچھ خاموش زخم ہمیشہ دل کے اندر رہ جاتے ہیں اور انسان چاہ کر بھی پہلے والا نہیں بن پاتا۔
✍🏻🥀
آج اچانک اپنی ہی یاد آگئی سوچا کہ سا انسان ہوا کرتا تھا؟
دل صاف نیت بے داغ ، خواب بڑے اور خوف کم لوگوں کیلئے تھا دعائیں تھی سچ تھا اپنی بات پے قائم رہنا جانتا تھا اور اپنے اصولوں پے سمجھوتا نہیں کرتا تھا
پھر آہستہ آہستہ دنیا نے سکھا یا ہر مسکراہٹ مخلص نہیں ہوتی ، ہر وعدہ سچا نہیں ہوتا اور ہر اپنا ہمیشہ نہیں رہتا، میں بدل گیا یا شاید میں سنبھل گیا
آج خود کو آئینہ میں دیکھتا ہوں تو ایک سمجھدار خاموش اور محتاط شخص نظر آتا ہے ، مگر کہیں اندر وہی پرانا بھی موجود ہے۔ جو بے وجہ ہنستا تھا دل سے یقین کرتا تھا، اور ٹوٹنے سے نہیں ڈرتا تھا۔ شاید وقت نے مجھے سخت نہیں کیا، بس حقیقت پسند بنا دیا
✍🏻🥀
میں چھوٹا سا تھا مسجد میں اعلان ہوا فلاں ابن فلاں فوت ہو گیا ہے تو میں نے امی سے پوچھا کہ امی بندہ مرتا کیسے ہے؟؟ امی نے بتایا کہ ہائی ہوتی ہے اور بندہ مر جاتا ہے
اب دوسراسوال کچھ یوں تھا کہ "ہائی کیسے ہوتی ہے؟؟ اس پر اماں کو ایک تیر سے 3 شکار کا موقع ملا " تو بولیں کہ جب بندہ کھانا نہیں کھاتا دودھ وقت پر نہیں پیتا تو تب ہائی ہوتی ہے اب میں نے تیسر اسوال کیا کہ کیا مجھے بھی ہائی ہو گی اور میں بھی مر جاؤں گا ؟؟ ماں تھی جواب نہ دے سکی تو ماتھا چوم کر اتنا بولیں کہ ایسی باتیں نہیں کرتے تم دودھ پیا کرو اور کھانا وقت پر کھایا کرو
آج سوچتا ہوں اماں سے پوچھوں کہ اماں مجھے ہائی تو بہت ہوتی ہے میں مرتا کیوں نہیں ہوں ماں ؟
✍🏻🥀
کبھی کبھی دل کرتا ہے کہ سب کچھ چھوڑ کر کسی انجان خاموش اور بے خبر سی منزل کی طرف نکل جاؤں۔ جہاں کوئی تعلق نہ ہو ، کوئی رشتہ کوئی سوال کوئی جواب نہ ہو۔
نہ رویے ہوں ، نہ وضاحتیں۔ نہ خوشیوں کی بناوٹ نہ غموں کا شور ۔۔۔ بس ایک سکوت ہو ایسا سکوت جہاں خود سے بھی ملاقات کم ہو جائے۔
کبھی دل چاہتا ہے کہ بے حس ہو جاؤں, ایسا بے حس کہ نہ لفظ چھیں نہ خاموشیاں سنائی دیں۔ نہ سوچیں بے چین کریں، نہ کسی کی بات دل کو چھو سکے۔ یہ جو بے وجہ کی اداسی ہے۔ یہ جو بنا پوچھے آنکھوں سے بہتے آنسو ہیں یہ جو ہر بات پہ رونا کیوں آتا ہے
شاید ان سب کی جڑ وہ توقعات ہیں جو ہم نے دوسروں سے باندھ رکھی ہیں
✍🏻🥀
ہم نے کبھی جواب میں پتھر نہیں اُٹھائے، کیونکہ ہمیں معلوم تھا کہ ہماری ہتھیلیاں صرف زخم سہنے کے لیے بنی ہیں۔ ہم نے ہر وا کو دل پر لیا ہر بے قدری کو خاموشی میں سمیٹا
اور
آخر کار وہی وار ہوا جو مقدر تھا ہم ٹوٹ گئے ، بکھر گئے ، مگر شکوہ زبان تک نہ آیا کچھ لوگ لڑنا جانتے ہیں ، اور کچھ صرف سہنا
اور جو صرف سہنا جانتے ہوں ، وہی سب سے زیادہ گہرے زخم لے کر جیتے ہیں۔
✍🏻
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain