خورے کیویں بھار دکھاں دا سہہ گئے نے
پلکاں تے جیڑے اشک کھلوتے رہ گئے نے
جدوں وی ہتھ ودھیایا اے میں پھلاں ول
کنڈے سارے میرے بکھی پے گئے نے
دکھ میں پلے بن کے بار نکل آئی
ہاسے چادیواری اندر رہ گئے نے
چُپ کراواں کیویں روندے ویڑے نوں
لوکیں اندروں کُنڈے لا کے بیہ گئے نے
آساں دے جیڑے دیوے بال کے رکھے سی
او وی اج ہواواں دے وس پے گئے نے
اگل وانڈی لین جناں نے اوناں سی
اج او بوئے وچ کھلوتے رہ گئے نے
پتھراں دے سینے تے سر رکھ کے شمیم
دُکھ وی لگدا اے لمی تان کے پے گئے نے
ok g jummma ki tyyari bye milty hn jumma k abd
