﷽ اطاعت کا تو مزہ ہی تب ہے، جب ہم آزمایئش کی تڑپ میں بھی ہوں، آنکھیں اشکبار بھی ہوں، اور ہم جھکے سر سے یہ کہتے جایئں، اے میرے رب! ہر لمحہ “شکر “ تیرے لئے!! —————————- الحمدلله وشكرالله علی کل حال یارب العالمین ان شاء الله
زمانہ لاکھ بدلا پر زمانے کی روایت ہے انہی رستوں پہ خوش رہنا جنہیں ہم سے عداوت ہے مجھے اُس کی ، اُسے اُس کی، اُسے اُس کی ضرورت ہے سوائے اِس مصیبت کے یہ دنیا خوبصورت ہے کسی کی گھات میں تو ہے تو تیرے جال میں کوئی یہاں ہر زندگی تا زندگی زیرِ حراست ہے غمِ ہستی غمِ بستی، غمِ دوراں، غمِ ہجراں محبت میں سبھی کچھ بھول جانے کی سہولت ہے جو سر آنکھوں پہ ہے تو آج تو کل فالتو ہو گا کہ قربت حد سے بڑھنا بھی تباہی ہے، اذیت ہے کسی کی چپ کا مطلب یہ نہیں شکوہ نہیں اس کو یہ تو اعلان ہے اس کا شکایت ہی شکایت ہے مُکر جانا ، بدل جانا ، جفا کرنا ، بچھڑ جانا کچھ ایسے حادثوں کا نام ہی ابرک محبت ہے
