ہے یہ بازار جھوٹ کا بازار
پھر یہی جنس کیوں نہ تولیں ہم
کر کے اک دوسرے سے عہدِ وفا
آؤ کچھ دیر جھوٹ بولیں ہم
🥀🥀🥀🥀
بات تو چاہت سے بھری اک نظر کی ہے
ہر کسی سے کہاں کرتی ہیں کلام آنکھیں
🥀🥀
منتظر ہر ڈگر تمہارا ہوں
کیسا میں ہم سفر تمہارا ہوں
مجھ سے پوچھا مرا تعارف جو
کہہ دیا مختصر تمہارا ہوں
خود جو ٹوٹا تجھے بنانے میں
میں وہی کوزہ گر تمہارا ہوں
ہو سکے تم نہ میرے پل کے لئے
اور میں عمر بھر تمہارا ہوں
سایہ میرا تو میرے بس میں نہیں
پر ہے وعدہ شجر تمہارا ہوں
ہم کو منظور ہر قیامت ہے
وہ جو کہہ دے اگر تمہارا ہوں
روک رکھّا ہے ایک صحرا نے
ضد کرے میں ہی گھر تمہارا ہوں
تم تو دنیا کے ہو گئے ابرک
اور میں بے خبر تمہارا ہوں
😌♥
To know that you don't know is important
دل سے چپکے
بنجاروں کو
نوچ کے میں نے
پھینک دیا ہے
سوتے میں بھی۔ ۔ ۔
چہرے کو آنچل سے چھپائے رکھتی ہوں
پلکوں کی ہلکی سی لرزش
ہونٹوں کی موہوم سی جنبش
گالوں پر رہ رہ کر اترنے والی دهنک
لہو میں چاند رچاتی اس ننھی سی خوشی کا نام نہ لے لے
نیند میں آئی ہوئی مسکان
کسی سے دل کی بات نہ کہہ دے
♥
جھک کے چلتا ہوں کہ قد اس کے برابر نہ لگے
دوسرا یہ کہ اسے راہ میں ٹھوکر نہ لگے
یہ تِرے ساتھ تعلق کا بڑا فائدہ ہے
آدمی ہو بھی تو اوقات سے باہر نہ لگے
نیم تاریک سا ماحول ہے درکار مجھے
ایسا ماحول جہاں آنکھ لگے، ڈر نہ لگے
ماؤں نے چومنے ہوتے ہیں بریدہ سَر بھی
ان سے کہنا کہ کوئی زخم جبیں پر نہ لگے
یہ طلب گار نگاہوں کے تقاضے ہر سُو
کوئی تو ایسی جگہ ہو جو مجھے گھر نہ لگے
یہ جو آئینہ ہے، دیکھوں تو خلا دِکھتا ہے
اس جگہ کچھ بھی نہ لگواؤں تو بہتر نہ لگے
تم نے چھوڑا تو کسی اور سے ٹکراؤں گا میں
کیسے ممکن ہے کہ اندھے کا کہیں سَر نہ لگے

submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain