دروہ انگلینڈ سے قبل مزید 7 قومی کھلاڑیوں کے کورونا ٹیسٹ مثبت آ گئے جبکہ ٹیم مینجمنٹ میں شامل ایک رکن کا بھی کووڈ 19 ٹیسٹ مثبت آیا ہے۔پاکستان کرکٹ بورڈ کے مطابق مجموعی طور پر سکواڈ میں شامل 35 کھلاڑیوں اور آفیشلز کے کووڈ 19 ٹیسٹ پیر کے روز لیے گئے ۔ ان کھلاڑیوں اور آفیشلز کے ٹیسٹ لاہور، کراچی اور پشاور میں لیے گئے تھے۔ جن کھلاڑیوں کے ٹیسٹ مثبت آئے ان میں اوپنر فخر زمان، فخر زمان، فاسٹ باؤلر عمران خان سینئر، آل راؤنڈر، کاشف بھٹی، آل راؤنڈر محمد حفیظ، فاسٹ باؤلر محمد حسنین، وکٹ کیپر بیٹسمین محمد رضوان اور فاسٹ باؤلر وہاب ریاض شامل ہیں
ویب ڈسک —معروف عالم دین اور ذاکر علامہ طالب جوہری آج کراچی میں انتقال کر گئے، وہ کئی روز سے شہر کے ایک پرائیویٹ اسپتال میں زیر علاج تھے۔ میڈیا رپورٹس کے مطابق گزشتہ کئی روز سے انتہائی نگہداشت کے یونٹ میں وینٹی لیٹر پر تھے۔علامہ طالب جوہری 27 اگست 1939ء کو پیدا ہوئے۔ ان کے والد مشہور عالم دین علامہ مصطفیٰ خاں جوہر تھے۔ علامہ طالب جوہری کو کئی برسوں سے پاکستانی علما میں اہم حیثیت حاصل تھی۔علامہ جوہری کئی کتابوں کے مصنف ہیں۔ انہوں نے قرآن پاک کی تفسیر بھی لکھی ہے اور ان کی شاعری کے تین مجموعے بھی شائع ہو چکے ہیں۔کراچی کے نشر پارک میں شام غریباں کی مجلس ان کی شہرت کی خاص وجہ تھی، جسے پاکستان سمیت دنیا بھر میں آباد پاکستانیوں کی ایک بڑی تعداد سنتی تھی۔وزیراعظم عمران خان اورکئی دوسرے سیاسی رہنماؤں نے ان کے انتقال پر تعزیت کا اظہار کیا ہے
