کیا کلیمی سے بھلا عشق کلامی کم ہے ؟ بادشاہی نہ سہی ! دل کی غلامی کم ہے ؟ کیا یہ کم ہے؟ کہ تمھیں دیکھوں، دِکھے کُل دنیا کیا یہ کم ہے ؟ کہ لکھوں عشق ! پڑھے کل دنیا ! یارِ من عشق طلب عشق میں سب عشق سند جذبِ من عشق ازل عشق ابد عشق احد ! عشق دربار بھی سُن کار بھی سرکار بھی عشق عشق تلوار بھی آزار بھی دلدار بھی عشق عشق ہو جائے تو کچھ اور کہاں ہوتا ہے ! کچھ نہیں ہوتا وہاں ! عشق جہاں ہوتا ہے !
عشق ریشم سے بُنی شال ہے، آہستہ چُھو.!! ایک دھاگہ جو کُھلے، شال اُدھڑ جاتی ہے.!! آپ پوشاک اُدھڑنے پہ ہیں گھبرائے ہوئے.!! صاحب ! عشق میں تو کھال اُدھڑ جاتی ہے.!!
میں درد کا گاہک ہوں ، سو بہتان تراشو..! بہتان بھی ایسا کہ کمر توڑ کے رکھ دے..! اک درد اٹھے پیر کے ناخن سے اچانک...! اور جسم سے ہوتا ہوا سر پھوڑ کے رکھ دے .
