یہ عجب رسم ہے بالکل نہ سمجھ آئی ہمیں پیار بھی ہم ہی کریں دل بھی ہمارا ٹوٹے

کیسے دشمن کے مقابل وہ ٹھہر پائے گا جس کو ٹوٹی ہوئی تلوار سے ڈر لگتا ہے وہ جو پازیب کی جھنکار کا شیدائی ہو اس کو تلوار کی جھنکار سے ڈر لگتا ہے مجھ کو بالوں کی سفیدی نے خبردار کیا زندگی اب تری رفتار سے ڈر لگتا ہے کر دیں مصلوب انہیں لاکھ زمانے والے حق پرستوں کو کہاں دار سے ڈر لگتا ہے وہ کسی طرح بھی تیراک نہیں ہو سکتا دور سے ہی جسے منجدھار سے ڈر لگتا ہے میرے آنگن میں ہے وحشت کا بسیرا افضلؔ مجھ کو گھر کے در و دیوار سے ڈر لگتا ہے