اللہ کا دیا سب کچھ ہے 😊😌
فیسبک،انسٹاگرام،گوگل،یو ٹیوب،سنیپ چیٹ ٹک ٹاک🤭😝😝😝
بس پیکج کی کمی ہے🥺🥺
یہ ڈراونی فلمیں بنانے والے کمبخت
دروازے میں تیل کیوں نہیں لگاتے 🤧😣🥴
R u m i 🦋
اپنی الجھتی سوچوں سے خلاصی پانے کو
در بدر بھٹکے ہوئے
اے میرے پسندیدہ شخص!
میں نے تمہارے لیے اپنی بنجر روح میں
چاہتوں کے پودے پروان چڑھا رکھے ہیں
تاکہ ان میں سایہ فگن رہ کر
تم اپنا ہر درد بھلا سکو
میرے ناتواں کاندھوں میں اتنی سکت نہیں
وہ تم پر بیتے غموں کا بار ادھار لے سکیں
لیکن میں نے اپنی آنکھوں کو
کسی چشمے کی سی وسعت فراہم کی ہے
تاکہ وہ تمہارے آنسو روئیں
آؤ! میری آغوش میں اپنا سر رکھو
کہ بری یاداشت بھلا دینے میں
میرے پاس تمہارے لیے
اس سے بہتر جگہ نہیں ہے
میرے دکھ زیادہ ہیں
انہیں سننے کے ساتھ ساتھ
تمہیں مجھ کو
مضبوطی سے تھامے رکھنا ہوگا
کہ جو میں نے سہا ہے
وہ بیاں کروں تو
مجھے پھر سے وہی اذیت جھیلنی ہوگی
جس نے مجھے بچپن سے ہی بڑا بنا دیا تھا!
میری انا گوارا نہیں کرتی ورنہ
رو رو کر، چیخ کر سب کو بولتی
مجھے وہ لوگ چاہیئیں
مجھے وہ لوگ کہیں سے بھی
ڈھونڈ کے لا دو
کہ جن کے بنا میں اداس ہوں
جن کے بنا میں جی نہیں سکتی
اور یہ صرف فلموں میں ہی ممکن ہے نا!
کہ۔۔۔ بنجر اور بے نور آنکھوں والی لڑکی کی زندگی میں
محبت لکھ دی جائے۔۔۔
میں نے جانا کہ روئے زمین پر پائے جانیوالے خوبصورت مناظر میں سے حسین تر اس کی آنکھیں ہیں جن میں تکتے ہوئے مجھے اپنا عکس بھی دلکش دکھائی دیتا ہے۔۔۔
یہ اس کے ہونے کا اثر ہے کہ میں واپس خود سے محبت کر بیٹھی ہوں وگرنہ میری نظر میں مجھ سے اضافی شے میری زندگی میں کوئی نہ تھی۔۔۔
سب کو لگتا ہے معجزوں کا ہونا نا ممکن ہے اور مجھ پر اس کا احساس حاوی ہو جائے تو بے ساختہ پکار اٹھتی ہوں کہ
ہاں!
”محبت معجزے کرتی ہے۔۔۔“
میں مسلسل خود سے محبت کرنا سیکھ رہی ہوں کہ مجھے صرف میں ہی اچھے سے جانتی ہوں۔۔۔
مجھے کب کیا چاہیے؟
کس شے سے دوری بنائے رکھنی چاہیے؟
ایسا کیا ہے جو مجھے خوش رکھ سکتا ہے یا اداسی کے لمحات میں کون سے ایسی چیزیں ہیں جو مجھے سکون میسر کر سکتی ہیں۔۔۔؟؟
یہ سب کچھ میں نے کسی ڈائری میں نہیں لکھا نہ شیڈول بنایا ہوا ہے کہ جو میرے قریب رہنا چاہتے ہیں وہ معلوم کریں اور میری پرواہ کرنا شروع کر دیں۔۔۔
میں کسی کو یہ اختیار تو کیا زحمت ہی نہیں دے سکتی کہ وہ میرے لیے کچھ کرے، اس کے وقت کا ضیاع ہو۔۔۔
اس لیے یہ سب کرنا میرے اپنے لیے آسان ہے نا؟
پھر خود ہی بتاؤ مجھ سے بڑھ میرا خیال بھلا کوئی کیسے رکھ سکتا ہے
جب پہلی بار میرا دل ٹوٹا تھا نا!
اس دن میں نے اپنے لیے دعا کی
کہ میرا دل پتھر کا ہو جائے
اور مجھے کسی کی محبت
کسی کے خلوص پر کبھی یقین نہ آئے
اور اس پتھر ہوۓ دل کا اثر ہے
کہ اب مجھے کسی کا دل یا مان ٹوٹتا دیکھ،
ذرا بھی درد نہیں ہوتا۔۔۔
اور اب محبتیں۔۔۔!!
اصحابِ کہف کے
سِکوں کے مانند ٹھہریں،
اصلی اور نایاب ہونے کے باوجود
رائج الوقت نہیں۔۔۔اا
وقتی تو ہوتا ہے سب کچھ ہر بات ہر چیز اک مدت بعد بدل جاتی ہے......خوشی ہو تو غم میں بدل جاتی ہے اور غم ہو تو خوشی میں.....پریشانی آسانی میں بدل جاتی اور آسانی پریشانی میں......گمان بدگمانی میں ....وفادار بے وفائی میں......اچھائی برائی میں.....تو پھر یہ محبت، محبت کیسے رہ سکتی ہے؟؟؟
یہ بھی اک مدت بعد بدل جاتی ہے نفرت میں....
یا پھر محبوب بدل جاتا ہے.....یا یوں کہہ لوں کہ محبت ہجرت کرجاتی ہے.....
ایک چہرے سے دوسرے چہرے پر.....
میں اپنی دنیا میں رہنے والی
اک نازک سی لڑکی ہوں
جو محبتوں اور نفرتوں پر
برابر یقین رکھتی ہے
میری ماں نے ہمیشہ
میٹھے بول ہی سکھائے ہیں مجھے
مگر میں
رویےمنہ پر مار دینے کی
عادی ہوں
میں وہ لڑکی ہوں
جس میں آپ کو
آپ کا ہی عکس دکھے گا
میرا دل میرے خلاف ہی شطرنج کی چالیں چلتا ہے۔۔!! میرے ہی خلاف اِک ایسی جنگ میں مبتلا جس کے بارے میں خود بھی جانتا ہے ۔۔!! کہ میرے ذہنی تناؤ سے جیت نہیں پائے گا۔۔!!! پھر بھی مجھ کو مسلسل اُکساتا رہتا ہے۔۔!!
کہ دل کی باتیں لکھنا شروع کر دو۔۔!! جو کہانی تمہارے اندر ہے وہ لکھ دو۔۔!! مگر۔۔۔!!
اچھا۔۔۔
بتاؤ ، پھر کیا سیکھا تم نے ۔۔۔۔؟
کوئی روٹھا تو تم بھی روٹھ گئے
یا منانا سیکھا ۔۔۔؟
کسی کے آنسوؤں پہ ہنس دیے
یا چھپانا سیکھا ۔۔۔؟
کوئی بچھڑا تو تم بھی چل دیئے
یا نبھانا سیکھا ۔۔۔؟
کسی کی غلطیوں پہ دی سزا
یا بھُلانا سیکھا ۔۔۔؟
میں نے زندگی میں کبھی کسی شخص کو بد صورت نہیں پایا۔۔۔نہ کسی مرد نہ عورت۔۔۔
میں نے ایک مانگنے والی عورت کے چہرے پہ ایک دلفریب مسکراہٹ دیکھی ہے۔۔۔
ایک مرد کی آنکھوں میں عورت کے لیے عزت دیکھی ہے ۔۔
راہ چلتے کچھ چہروں پہ سچی مسکراہٹ کی خوبصورتی دیکھی ہے ۔۔
دعاؤں کے لیے اٹھے ہاتھوں میں جو خوبصورتی پائی وہ کہیں اور نہ دیکھی🔥
مختصر یہ کہ الحمدللہ آج تک کبھی بھی کسی انسان کو دیکھ کر خیال تک نہیں آیا کہ یہ بدصورت ہے۔۔۔بہت سے لوگ دیکھے ہیں جو کہتے ہیں کہ فلاں کی شکل ایسی ہے ،فلاں کی ناک ایسی ہے وغیرہ وغیرہ۔۔۔
لیکن میں یہ سوچتی ہوں کہ جسے میرا اللّٰہ بنائے وہ بدصورت کیسے ہو سکتا ہے
مجھے خود کے احساسات کو سمیٹے رکھنے کا بہت شوق تھا۔۔۔ میرا دعویٰ تھا میں ان پر کبھی آنچ بھی نہ آنے دوں گی کیونکہ مجھے اپنے آپ میں مگن رہنا تھا لیکن جیسے جیسے قرابت داری بڑھتی گئی میرے لیے لوگ اہم ہوتے گئے تب معلوم ہی نہ ہوا کہ کب، کیسے، کہاں میرا کون سا جذبہ بے موت مر رہا ہے۔۔۔
میرے لیے اہم تھا تو بس ہر وہ رشتہ جس سے مجھے اپنائیت محسوس ہوئی تھی۔۔۔ مجھے لگا تھا ان میں ہی میری دنیا بسی ہے۔۔۔ اس لیے بنا نفع نقصان کا سوچے میں نے اپنا وقت، اپنا خلوص ان بے نام رابطوں پر لٹا دیا کہ انت میں جن کے متعلق علم ہوا وہ سوائے سراب کے کچھ نہ تھے۔۔۔
میں جھولیاں بھر کے جہاں خلوص لٹاتی رہی وہاں کبھی تعبیر نہ پانے والے خوابوں کے سوا کچھ نہیں تھا۔۔۔
میں جہاں ناطہ نبھائے رکھنے کے لیے خود سے واسطہ توڑتی رہی وہاں میرے لیے سوائے درد کے کچھ رکھا نہیں تھا۔
مجھے میرے تخیل میں یہ سہولت میسر ہے کہ میں اپنی من چاہی ہر شے کو آنکھوں میں اترتے بینائی کے سب رنگوں سے واضح طور پر دیکھ سکتی ہوں، چھو کے محسوس کر سکتی ہوں!
ہم کو اِن لوگوں پہ حیرت ہوتی ہے جو کہتے ہیں، تم نے خود کو سب سے دور کر لیا ہے تم ایک دن اکیلی رہ جاؤ گی😶
خود کو دور کر لینے والا انسان اِسی بات کو ہی تو ایکسیپٹ کر چکا ہوتا ہے جو خُود کو اتنے سارے لوگوں میں بھی اکیلا محسوس کرے،
تو اس کے اِرد گرد ختم ہوتی لوگوں کی بھیڑ اسے کیا دکھ دے پائے گی.!!
ٹپ ٹپ ٹپ، بارش کی بوندیں گری ہیں
شاعر اس پر کتنی ہی نظمیں کہتے ہیں
اپنے جدید لان میں بھیگتے کسی نے سٹیٹس اپ ڈیٹ کیا ہے
مجھے برستی بارش میں اپنی غریبی نظر آتی ہے
میں اپنی چھت کی ٹوٹ پھوٹ پر ایک نظم لکھوں گی
میری اماں کی بڑی خواہش تھی
کہ میں گھرداری سیکھوں
اور ہر کام میں طاق ہو جاؤں
وہ اکثر مجھے کہا کرتی تھیں
کہ گول روٹی بنانی سیکھو
اور خیالی دنیا سے باہر آجاؤ !
میں اُن کی باتوں پہ ہنس کہ سر جھٹکتی
اور اُٹھلا کہ کہتی کہ
اماں ! یہ چولہا چوکا، جھاڑو پوچا
یہ سب تو عام لڑکیاں کرتی ہیں
میں بھی یہ سب کر لوں؟
یعنی میں بھی عام ہو جاؤں
میری اس بات پہ وقت طنزیہ مسکرایا
اور مجھے گھیر کہ سمجھا گیا
کہ
لڑکیاں کہاں خاص ہوتی ہیں
یہ تو بس عام ہوتی ہیں !
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain