دل اُن سے جو مانگا تو پشیمان ھُوۓ ہم نادان تھے نادان تھے نادان ھُوۓ ہم ہم تجھ کو دکھا دیتے خدائی کا تماشہ سو باتوں کی اِک بات کہ انسان ھُوۓ ہم ہر چہرے میں آتا ھے نظر اپنا ہی چہرہ خود آئینہ خود دیدۂ حیران ھُوۓ ہم یُوں دل میں لئے پھرتے ہیں تصویر تمھاری جیسے کسی کعبے کے نگہبان ھُوۓ ہم وعدہ ھے ملاقات کا اَب آنا پڑے گا اے جان تیری یاد میں بےجان ھُوۓ ہم ایک بت کی پرستش میں کُھلا راز یہ واصف کافر جو ھُوۓ حافظِ قرآن ھُوۓ ہم
