باغ میں لگتا نہیں صحرا سے گھبراتا ہے دل
اب کہاں لے جا کے بیٹھیں ایسے دیوانے کو ہم
اچھا!! وہ باغ خلد، جہاں رہ چکے ہیں ہم؟
ہم سے ہی کر رہا ہے، تو زاہد وہاں کی بات
یہ سہولت ہی نہیں آنکھ کو بخشی ہم نے
کہ آپ کے بعد کوئی اور اس میں جچ جائے
ہم تو اَزل سے گنہگار ٹھہرے _________!!!
تمہیں مبارک ہو صحبت پارساؤں کی______________🥀🖤
حدِ ادب کی بات تھی حدِ ادب میں رہ گئی !
اس نے کہا میں چلا میں نے کہا جائیے ۔۔۔۔۔۔!
صورت کے آئینے میں دل پائمال دیکھ
الفت کی واردات کا حسن مثال دیکھ
جب اس کا نام آئے کسی کی زبان پر
اس وقت غور سے میرے چہرے کا حال دیکھ
پلا دے اوک سے ساقی جو ہم سے نفرت ہے
پیالہ گر نہیں دیتا نہ دے شراب تو دے______________🥀🖤
غالب
اُس نے پیمانے کو آنکھ کے برابر رکھا
اُس کو اچھا نہیں لگتا سنبھلتا ہوا میں
عدنان محسن
یہ میرا آخری سگریٹ ہے, اب گھر جانے دے
یا پھر بانہوں میں جذب کر, یہیں مر جانے دے
یہ جتنے پھول کِھلے ہیں اِنہیں شرمندہ کر
اپنے بالوں کو کُھلا چھوڑ اِنہیں مُرجھانے دے🖤✌
زندگی جبر ہے اور جبر کے آثار نہیں
ہائے اس قید کو زنجیر بھی درکار نہیں
بے ادب گریۂ محرومئ دیدار نہیں
ورنہ کچھ در کے سوا حاصل دیوار نہیں
آسماں بھی ترے کوچہ کی زمیں ہے لیکن
وہ زمیں جس پہ ترا سایۂ دیوار نہیں
ہائے دنیا وہ تری سرمہ تقاضہ آنکھیں
کیا مری خاک کا ذرہ کوئی بیکار نہیں
فانی بدایونی
زندگی جبر ہے اور جبر کے آثار نہیں
ہائے اس قید کو زنجیر بھی درکار نہیں
بے ادب گریۂ محرومئ دیدار نہیں
ورنہ کچھ در کے سوا حاصل دیوار نہیں
آسماں بھی ترے کوچہ کی زمیں ہے لیکن
وہ زمیں جس پہ ترا سایۂ دیوار نہیں
ہائے دنیا وہ تری سرمہ تقاضہ آنکھیں
کیا مری خاک کا ذرہ کوئی بیکار نہیں
فانی بدایونی
ؑغافل تری نظر ہی سے پردہ اٹھا نہ تھا
ورنہ وہ کس مقام پہ جلوہ نما نہ تھا
روشن چراغ عشق نے کی منزل حیات
ورنہ وہ تیرگی تھی کہ کچھ سوجھتا نہ تھا
مقصود ایک تیرے ہی در کی تھی جستجو
دیر و حرم سے مجھ کو کوئی واسطہ نہ تھا
آواز دے رہے تھے جسے بے خودی میں ہم
دیکھا تو وہ ہمیں تھے کوئی دوسرا نہ تھا
وہ تو شکایت اپنی وفاؤں کی تھی حضور
کچھ آپ کی جفاؤں کا شکوہ گلہ نہ تھا
مانا کہ دور تھا تو نگاہوں سے اے کریم
لیکن ترا خیال تو دل سے جدا نہ تھا
ہم آپ اپنی منزل مقصود تھے امیدؔ
جاتے کہاں کہ خود سے پرے راستہ نہ تھا
فراق گورکھپوری
مرے عزیز، مرے دل! سنبھل! نہیں ہوتا
کوئی بھی شخص یہاں بےبدل نہیں ہوتا
یہ دل جو تیرے تغافل سے تھکتا جاتا ہے
غمِ حیات اٹھانے سے شل نہیں ہوتا
ہمیں بڑوں کے سکھائے سبق نے مارا ہے
ہمارے صبر کے بدلے میں پھل نہیں ہوتا
وچن کی لاج، وفا کا لحاظ، عہد کا پاس
سُنا تھا، ہوتا ہے، پر آج کل نہیں ہوتا!
ترے سوال نشانے پہ ٹھیک لگتے ہیں
مرا جواب کبھی برمحل نہیں ہوتا
کبھی تو تُو بھی طبیعت پہ بوجھ لگتا ہے
کبھی تو تُو بھی جوازِ غزل نہیں ہوتا
تمہیں جو حال سنائیں، تو کس لیے، اے دوست!
تمہارے پاس بھی الجھن کا حل نہیں ہوتا
سیماب ظفر
سحر کا حُسن ھے کیا ، رات کا عذاب ھے کیا
بدن نہ ھو تو گُناہ کیا ھے ، اور ثواب ھے کیا
جو گھر سے اوڑھ کے نکلے تھے موم کی چادر
پتہ چلا اُنہیں رستے میں آفتاب ھے کیا
تِرے بھی مشورے شامل تھے ترکِ خواھش میں
اے میری وحشتِ دل ! اب یہ اضطراب ھے کیا
ابھی تو سارے ھی موسم تمھارے ہاتھ میں ھیں
ابھی تمہیں نہیں معلوم احتساب ھے کیا
وہ لوگ اور تھے ، اب اُن کو کیا خبر جاناں
وصال و ھجر ھے کیا ، موسمِ گُلاب ھے کیا
نوشی گیلانی
کلام کرتی نہیں بولتی بھی جاتی ہے
تری نظر کو یہ کیسی زبان آتی ہے
کبھی کبھی مجھے پہچانتی نہیں وہ آنکھ
کبھی چراغ سے چاروں طرف جلاتی ہے
یہ چار سو کا اندھیرا سمٹنے لگتا ہے
کچھ اس طرح تری آواز جگمگاتی ہے
میں اس کو دیکھتا رہتا ہوں رات ڈھلنے تک
جو چاندنی تیری گلیوں سے ہوکے آتی ہے
یہ روشنی بھی عطا ہے تری محبت کی
جو میری روح کے منظر مجھے دکھاتی ہے
امجد اسلام امجد
دُنیا ہے کتنی ظالم ہنستی ہے دِل دُکھا کے
پھر بھی نہیں بُجھائے ہم نے دِیئے وفا کے
ہم نے سلوکِ یاراں دیکھا جو دُشمنوں سا
بھر آیا دِل ہمارا ، روئے ہیں منہ چُھپا کے
کیونکر نہ ہم بٹھائیں پلکوں پہ اِن غموں کو
شام و سحر یہی تو مِلتے ہیں ،،، مُسکرا کے
تاعُمر اِس ہنر سے اپنی نہ جان چُھوٹی
کھاتے رہیں ہیں پتّھر ہم آئینہ دِکھا کے
اُس زلفِ خم بہ خم کا سر سے گیا نہ سودا
دُنیا نے ہم کو دیکھا ،،، سو بار آزما کے
”جالبؔ“ ہُوا قفس میں یہ راز آشکارا
اہلِ جُنوں کے بھی تھے کیا حوصلے بلا کے
(شاعرِ انقلاب)
حبیب جالبؔ ¹⁹⁹³-¹⁹²⁸
تیرے پہلو میں الگ شہر بسایا میں نے
تیرے غم سے تیری فرقت سے سجایا میں نے
غم کے انبار پہ بیٹھا ہوا بھوپاری نصیب
تم کو غم خود کو خریدار بنایا میں نے
تیرے اقرار میں انکار کی وجہ کیا تھی
دھوکا تم سے یا خود سے تھا کھایا میں نے
تم کو سائے محبت میں ہی رکھا میں نے
غم کے صحرا میں خود کو ہی جلایا میں نے
تیری ہر بات کو شاعری میں بیاں کر کے
درد سہنے کا ہنر خود کو سکھایا میں
انیس فراز
کیا زمانہ تھا کہ ہم روز ملا کرتے تھے
رات بھر چاند کے ہم راہ پھرا کرتے تھے
جہاں تنہائیاں سر پھوڑ کے سو جاتی ہیں
ان مکانوں میں عجب لوگ رہا کرتے تھے
کر دیا آج زمانے نے انہیں بھی مجبور
کبھی یہ لوگ مرے دکھ کی دوا کرتے تھے
دیکھ کر جو ہمیں چپ چاپ گزر جاتا ہے
کبھی اس شخص کو ہم پیار کیا کرتے تھے
اتفاقات زمانہ بھی عجب ہیں ناصر
آج وہ دیکھ رہے ہیں جو سنا کرتے تھے
ناصر کاظمی ۔۔۔
کچھ تعلق صرف روح تک رہ جاتے ہیں،
نہ لفظ بنتے ہیں، نہ قصہ، نہ شکوہ۔
صورت کے آئینے میں دل پائمال دیکھ
الفت کی واردات کا حسن مثال دیکھ
جب اس کا نام آئے کسی کی زبان پر
اس وقت غور سے میرے چہرے کا حال دیکھ
عبد الحمید عدم
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain