ستم کا آشنا تھا وہ سبھی کے دل دکھا گیا کہ شامِ غم تو کاٹ لی سحر ہوئی چلا گیا ہوائے ظلم سوچتی ہے کس بھنور میں آگئی وہ اک دیا بجھا تو سینکڑوں دیئے جلا گیا سکوت میں بھی اس کے اک ادائے دل نواز تھی وہ یارِ کم سخن کئی حکائتیں سنا گیا اب اک ہجومِ عاشقان ہے ہر طرف رواں دواں وہ اک رہ نورد خود کو قافلہ بنا گیا دلوں سے وہ گزر گیا شعاعِ مہر کی طرح گھنے اداس جنگلوں میں راستہ بنا گیا کبھی کبھی تو یوں ہوا ہے اس ریاضِ دہر میں کہ ایک پھول گلستاں کی آبرو بچا گیا شریک بزمِ دل بھی ہیں چراغ بھی ہیں پھول بھی مگر جو جانِ انجمن تھا وہ کہاں چلا گیا اٹھو ستم زدو! چلیں، یہ دکھ کڑا سہی، مگر وہ خوش نصیب ہے یہ زخم جس کو راس آگیا یہ آنسووں کے ہار ، خوں بہا نہیں ہیں دوستو کہ وہ تو جان دے کے قرض دوستاں چکا گیا..!
روز ناکام آرزو کرنا دل کو اپنے لہو لہو کرنا جب تمھیں دیکھنا ہو آئینہ تو مجھے اپنے روبرو کرنا شمعِ محفل کہیں نہ بن جانا یوں نہ برباد آبرو کرنا تجھ کو رسوا کرے نہ اے ہمدم جا بہ جا میری گفتگو کرنا اپنے کردار کو سنوارو تم خود کو چاہو جو خوب رو کرنا جس کو چاہا تھا تو نے دل سے کبھی اس کا چرچا نہ کو بہ کو کرنا اس کے قدموں پہ جھک گئی منزل جس نے سیکھا ہے جستجو کرنا آج یادوں نے دی ہے پھر دستک آج دل کو ہے پھر لہو کرنا حشر میں اس حقیر شامؔا کو میرے ﷲ سرخ رو کرنا
محسن نقوی وہ اجنبی اجنبی سے چہرے وہ خواب خیمے رواں دواں سے... بسے ہوۓ ہیں ابھی نظر میں سبھی مناظر دھواں دھواں سے... یہ عکس داغ شکست پیماں ، وہ رنگ زخم خلوص یاراں... میں غمگساروں میں سوچتا ہوں کہ بات چھیڑوں کہاں کہاں سے... یہ سنگ ریزے عداوتوں کے وہ آبگینے سخاوتوں کے... دل مسافر قبول کر لے ملا ہے جو کچھ جہاں جہاں سے... بچھڑنے والے بچھڑ چلا تھا تو نسبتیں بھی گنوا کےجاتا... تیرے لیے شہر بھر میں اب بھی میں زخم کھاؤں زباں زباں سے... میری محبت کے واہموں سے پرے تھا تیرا وجود ورنہ... جہاں جہاں تیرا عکس ٹھرا ہو کے آیا وہاں وہاں سے... ابھی محبت کا اسم اعظم لبوں پہ رہنے دے جان محسن... ابھی ہے چاہت نئی نئی سی ابھی ہیں جذبے جواں جواں سے...
بہت تھا خوف جس کا پھر وہی قصا نکل آیا مرے دکھ سے کسی آواز کا رشتا نکل آیا وہ سر سے پاؤں تک جیسے سلگتی شام کا منظر یہ کس جادو کی بستی میں دل تنہا نکل آیا جن آنکھوں کی اداسی میں بیاباں سانس لیتے ہیں انہیں کی یاد میں نغموں کا یہ دریا نکل آیا سلگتے دل کے آنگن میں ہوئی خوابوں کی پھر بارش کہیں کونپل مہک اٹھی کہیں پتا نکل آیا پگھل اٹھتا ہے اک اک لفظ جن ہونٹوں کی حدت سے میں ان کی آنچ پی کر اور بھی سچا نکل آیا گماں تھا زندگی بے سمت و بے منزل بیاباں ہے مگر اک نام پر پھولوں بھرا رستا نکل آیا
تم نے مرجھائے ہوئے پھول کبھی دیکھے ہیں.. دل کی قبروں پہ پڑے.. ہجر کی لاش کی آنکھوں پہ دھرے.. تم نے اکتائے ہوئے خواب کبھی دیکھے ہیں.. درد کی پلکوں سے لپٹے ہوئے.. گھبرائے ہوئے.. تم نے بے چین دعائیں کبھی دیکھی ہیں.......؟؟ محبت کے کناروں پہ بھٹکتی پھرتی.. تم نے دیکھا ہے مجھے.. کیا کبھی دیکھا ہے مجھے...؟؟
کچھ ایسا ہو ____ یہ شام ڈھلے کوئی ہاتھ میں تھامے ہاتھ میرا کوئی لے کے مجھ کو ساتھ چلے کوئی بیٹھے __ میرے پہلو میں میرے ہاتھ پر __اپنا ہاتھ دھرے اور پونچھ کے آنسو آنکھوں سے وہ دھیرے سے ____یہ بات کہے یوں تنہا چلنا ___ٹھیک نہیں ہے کیا ہم بھی تمہارے ساتھ چلیں؟ ہم بھی کیا تمہارے ساتھ چلیں؟
