کسی سٹوڈنٹ کیفے میں بیٹھ کر چاۓ پیتے ہیں کسی اخبار میں شائع کسی کالم کے جملوں پر لمبی بحث کرتے ہیں میں تم کو چاۓ پینے کے ہزاروں فائدے لکھ دوں اور جواب میں تم مجھے نقصان گنوانا میرے گیتوں کو سننا اور میری وال پر لکھنا بڑی فنکار ہو لڑکی۔۔ چلو پھر سے ہمیں بچپن بلاتا ہے
کسی خاموش لمحے میں اپنے کمرے کے کونے میں کبھی لوگوں سے چھپ چھپ کر کوئی سکیچ بک لیکر میری ڈرائنگ بنائی ہے ؟؟ تمہیں کیوں کر یہ سب آتا ؟ تم کب آرٹس والے ہو ؟ تمہیں تو فائدے نقصان سے فرصت نہیں ملتی تمہیں اپنے حسابوں میں کسی بھی شوق کا آخر بھلا کب وقت حاصل ہے مگر دیکھو میرے عالَم!!! یہ زندگی بہت چھوٹی ہے چلو پھر سے ہم اپنی "زندگی "کو کھل کر جیتے ہیں
اگر تم بکس پڑھتے تو تمہیں بک مارک گفٹ کرتی اگر تم چاۓ پیتے تو تمہیں ٹی بیگ گفٹ کرتی اگر ناول کا شوق ہوتا تو پھر منٹو کے افسانے عشق کے عین سے لیکر نمل ' مصحف ' الف عبدالله گفٹ کرتی مگر میں کیا کروں کہ تم بہت بد ذوق نکلے ہو کتابیں تم نہیں پڑھتے نہ چاۓ نہ کوئی ناول نا میوزک خاص سنتے ہو تمہیں راحت ' امانت اور عاطف کے علاوہ بھی کیا کوئی نام آتا ہے ؟؟
موسموں کے روگ کا۔۔۔۔۔ درد مت سہا کرو... اداس مت ہوا کرو..، یہ درد ہیں حیات کے .. کچھ رنگ کائنات کے کچھ دکھوں کی تیز بارشیں کچھ پھول ہیں نشاط کے تم پھول بس چھوا کرو.... اداس مت ہوا کرو
نتیجہ پھر وہی ہوگا سنا ہے سال بدلے گا پرندے پھر وہی ہونگے شکاری جال بدلے گا بدلناہےتو دن بدلو بدلتے کیوں ہو ہندسے کو مہینے پھر وہی ہونگے سنا ہے سال بدلے گا وہی حاکم وہی غربت وہی قاتل وہی ظالم بتاؤ کتنے سالوں میں ہمـارا حـال بدلے گا ؟
میں خوش ہوں " یہ جھوٹ سبھی سے کہتے رہنا اشکوں سے بھیگے لفظوں کو چنتے رہنا کاغذ پر نظموں کی صورت بُنتے رہنا سوچ رہی ہوں یہ حالات بدل ڈالوں گی اب کے سال میں اپنے سارے معمولات بدل ڈالوں گی
سوچ رہی ہوں اب کے سال میں اپنے سارے معمولات بدل ڈالوں یادوں کے رستے پہ چلنا تنہائی کی آگ میں جلنا بے مصرف یوں رات گئے تک جاگتے رہنا گزرے سالوں کی باتوں کو سوچتے رہنا اپنی ذات میں گم ہو جانا بیٹھے بیٹھے تم ہو جانا اپنے غم چپ چاپ اکیلے سہتے رہنا
اے پیاری لڑکی !!! "تم ہر حال میں خوشبو کی عکاس ہو " کہانیاں پڑھنا ضرور مگر ان میں رہنا نہیں,, تم کاہل شہزادی نہیں..... اور نہ نیند کی اسیر ,,,,,, کہ سفید گھوڑے پہ آ کے کسی شہزادے کو تمہارے لبوں پر زندگی پھونکنی پڑے .... رشتے روحوں سے جوڑنا .... روپوں سے نہیں..... "کہ تم خود بے حد قیمتی ہو " "کہ تم خود زندگی، خوشبو اور حسن کی عکاس ہو "
