Rasule Khuda (saww)
👉 *Oos dil par Khuda azaab na karega jisme Quran e Majeed mehfooz hai.*
📓[Adaab e Islami, v2, p256]
Rasule Khuda (saww)
👉 *Jo dil Quran ka mahel hoga, usko Allah Ta'ala azaab nahi dega.*
📓[Amaali - Shaikh Toosi, v1, p27]
Rasule Khuda (saww)
👉 *Beshak, meri beti Fatima (sa) mera hi ek tukra hai, jo cheez usay na-pasand hai wo mujhe bhi na-pasand hai, jo uske liye baais e aziyyat hai wo mere liye baais e aziyyat hai.*
📓(Sahih Muslim)
📓[Bihaar ul Anrwaar, v3, p38]
Imam Sadiq (as)
👉 *J. Fatima (sa) ka naam Zahra is liye hai ke jab wo moazzama Mehraab e Ibadat mein khari hoti thi to 👉aap ka noor aasmaan waalo'n ke liye is tarah chamakta 👉jis tarah zameen waalo'n ke liye Chaand chamakta hai.*
📓[Elal ush Sharaaye, p137]
Riwayat
👉 *(Gair-Shia kitaab Kanz ul Ummal ke hawaale se naql hai ke) Jab 👉Surah Room ki Ayat No. 38 (Fa Aati Zal Qurba Haqqahu) naazil huwi to Paighambar (saww) ne J. Fatima (sa) ko talab kiya aur farmaya, '. 👉Aye Fatima (sa), Fadak teri milkiyyat hai".*
📓[Tafseer e Namuna, v13, p477]
Rasule Khuda (saww)
👉 *Mera ek paara e jigar Khurasaan _(Mashhad)_ mein dafn hoga. Jo dukh dard ka maara uski ziyarat ko jayega,👉 Allah Ta'ala uske dukh dard ko duur kar dega aur jo koi gunahgaar uski ziyarat karega, 👉Allah Ta'ala uske gunaho'n ko baksh dega.* 👌👌
📓[Man La Yazharul Faqih, Vol 2, Hadees 3187]
Rasule Khuda (saww)
👉 *Aye Fatima (sa)! Agar koi shakhs tum par Salwaat bhejta hai to Khuda usay baksh deta hai aur usay Behisht mein mujh se mulhaq karega _(mila dega)_ jahaa'n bhi main rahu'n.*
📓[Maarefat e Zahra (sa), p69]
Imam Sadiq (as)
👉 *Oos shakhs ke gunah baksh diye jayenge jo 2 Rakat Namaz ye ba-khabar ho kar padh raha hai ke wo kis se mukhaatib hai aur kya padh raha hai.*
📓[ (Al Wafi, v2, p10)
The Radiance Of The Secrets Of Prayers, p14]
Imam Baqir (as)
👉 *Khuda ne logo'n se 2 khaslato'n ko chaaha hai: 👉Awwal ne'mato'n ka iqraar taaki wo unke liye aur zyada kare,👉 doosre gunaho'n ka iqraar taaki wo unko baksh de.*
📓[Al Kaafi, v5, p27]
Imam Sadiq (as)
👉 *Jo shakhs phool lekar su'nghta hai aur aa'nkho'n se laga kar Salwaat padhta hai, to usay zameen par rakhne se pehle uske tamam gunah baksh diye jaate hain.*
📓[Fazaail e Salwaat Aur Mushkilaat ka Hal]
♦ *اَللَّهُمَّ صَلِّ عَلى مُحَمَّدٍ وَّآلِ مُحَمَّدٍ وَّعَجِّلْ فَرَجَهُمْ*
Imam Sajjad (as)
👉 *Jo shakhs Musalmano'n ki izzat aur aabroo ke khilaaf buri baatein banane se apne aap ko roke, Khuda Wande Karim Qayamat ke din uske sab gunah baksh dega.*
📓[Tehzibul Islam]
Rasule Khuda (saww)
👉 *Jo shakhs Namaz e Subah ke baad musalle par baith kar suraj nikalne tak zikr e Khuda kare to uska Sawaab oos Haji ke barabar hai jo baksha huwa ho.*
📓[Mishkaat ul Anwaar (Urdu), p119]
Imam Reza (as)
👉 *Jo shakhs bhi kisi banda e Momin ki qabr ki ziyarat ko jaaye aur uspar Surah Qadr 7 baar padhe👉 to Allah usay bhi aur saaheb e Qabr ko bhi baksh dega.*
📓[Wasaail ush Shia, v2, p282]
Rasule Khuda (saww)
👉 *Jo shakhs bhi har roz shauk o mohabbat ki bina par mujh par Salwaat bhejega to 👉Khuda par zaruri ho jayega ke usay baksh de, oosi din ya oosi shab mein.*
📓[Fazaail e Salwaat Aur Mushkilaat ka Hal, p35]
Imam Ali (as)
👉 *Aadmi ki sakhawat o bakshish usay mukhalifo'n mein bhi mehboob bana deti hai aur👉 uski kanjoosi usay aulaad ki nazar mein bhi dushman bana deti hai.*
📓[Gorar ul Hakam, v1, p200]
Rasule Khuda (saww)
👉 *Jo shakhs is baat ki tasdeeq karta hai ke Khuda evaz (badla) deta hai to wo ataa o bakshish karne mein zarur sakhawat karta hai.*
📓[Wasaail ush Shia, v6, p219]
Imam Sadiq (as)
👉 *Khaane se pehle "Bismillahi Wal Hamdulillahi Rabbil Aalameen" 👉kahe to luqma mu'nh mein pahun'chne se pehle Allah gunaho'n ko baksh dega.*
📓[Tehzibul Islam]
Rasule Khuda (saww)
👉 *Tum Khuda ke baare mein ye na kaho ke Wo _(fulaa'n ko)_ nahi bakshega, kyun ki jo aisa kehta hai, 👉Khuda usay jhoota kar deta hai.*
📓[Meezan ul Hikmah, v1, p811]
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain