صحبتِ داغِ جگر سے کبھی جی بہلاتا
اُلفتِ دَست و گریباں کا تماشا کرتا
آنکھ اُٹھتی تو میں جھنجھلا کے پَلک سی لیتا
دل بگڑتا تو میں گھبرا کے سنبھالا کرتا
آہ کیا خوب تھا گر حاضرِ دَر ہوتا میں
ان کے سایہ کے تلے چین سے سویا کرتا
یہ وہی ہیں کہ گرو آپ اور ان پر مچلو
الٹی باتوں پہ کہو کون نہ سیدھا کرتا
چھپ گیا چاند نہ آئی ترے دیدار کی تاب
اور اگر سامنے رہتا بھی تو سجدہ کرتا
طوفِ روضہ ہی پہ چکرائے تھے کچھ ناواقف
میں تو آپے میں نہ تھا اور جو سجدہ کرتا
آسماں گر تیرے تلووں کا نظارہ کرتا
روز اِک چاند تصدق میں اُتارا کرتا
کون پوچھے گا بھلا روزِ جزا وہ بھی مجھے
اُن کی رحمت کے سوا کوئی بھی پُرساں ہوگا
جلوۂ حسن جہاں تاب کا کیا حال کہوں
آئینہ بھی تو تمہیں دیکھ کے حیراں ہوگا
جلوئہ مصحفِ رُخ دِل میں جو پنہاں ہوگا
پارے پارے میں مرے قلب کے قرآں ہوگا
میرے دل پر جو کبھی جلوئہ جاناں ہوگا
لَمعَۂ نور مرے رُخ سے نمایاں ہوگا
آہ پورا مرے دِل کا کبھی اَرماں ہوگا
کبھی دِل جلوہ گہ سروَرِ خوباں ہوگا
اِذنِ طیبہ مُجھے سرکارِمدینہ دے دو
لے چلے مُجھ کو جو طیبہ وہ سفینہ دیدو
بلند اتنا تجھے حق نے کیا ہے
کہ عرشِ حق بھی تیرے زیر پا ہے
کچھ ایسا آپ کو حق نے کیا ہے
کہ خود وہ آپ کا طالب ہوا ہے
حقیقت آپ کی حق جانتا ہے
وہ وہم و فہم سے آقا وَرا ہے
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain