بعض لوگوں کے پاس بے پناہ الفاظ اور خیالات کا ذخیرہ ہوتا ہے، لیکن پھر بھی وہ خاموش رہتے ہیں!! کیوں کہ انہیں بحث کرنا نہیں آتا- وہ ہر درد کا جواب خاموش مسکراہٹ، اور معمولی آنسو سے دیتے ہیں!! بظاہر وہ خوش نظر آتے ہے، لیکن درحقیقت وہ زندگی سے لڑ رہے ہوتے ہیں- اور وہ ان رویوں سے لڑ رہے ہوتے ہیں جو ناقابلِ یقین ہوتے ہیں دکھ کی سختیاں چہرے سے تو رخصت ہو جاتی ہیں، لیکن وہ انسان کے اندر اتر کر گوشے گوشے کو ویران کر دیتی ہیں...!🥀
بہت مصروف رہنا بھی خدا کی ایک نعمت ہے۔ ہجومِ دوستاں ہونا ،کسی سنگت کا مِل جانا ، کبھی محفل میں ہنس لینا ،کبھی خِلوت میں رو لینا ، کبھی تنہائی ملنے پرخود اپنا جائزہ لینا ، کبھی دُکھتے کسی دل پر ،تشفّی کا مرہم رکھنا ، کسی آنسو کو چُن پانا ،کسی کا حال لے لینا ، کسی کا راز ملنے پر ،لبوں کو اپنے سِی لینا ، کسی بچے کو چھُو لینا ،کسی بُوڑھے کی سُن لینا ، کسی کے کام آ سکنا ،کسی کو بھی دُعا دینا ، کسی کو گھر بلا لینا ،کسی کے پاس خود جانا ، نگاہوں میں نمی آ نا ،بِلا کوشش ہنسی آ نا ، تلاوت کا مزہ آ نا ،کوئی آیت سمجھ پانا ، کبھی سجدے میں سو جانا ،کسی جنت میں کھو جانا۔۔ ،خدا کی ایک نعمت ہے۔۔۔۔
مایوس ہونا چھوڑ دیں کیونکہ! جو دروازے زمین والوں کی تدبیروں سے بند ہوتے ہیں ان سے بڑے دروازے آسمان والے کے فضل سے کھلتے ہیں... ایسا کچھ نہیں جو رب سے پوشیدہ ہو اور ایسا بھی کچھ نہیں جو اس کے اختیار سے باہر ہو..💞💯🕋
آپ کا رونا آپ کا اداس ہونا آپ کی محبت جذبے اتنے غیر اہم نہیں کہ ایک انسان کے پیچھے ضائع کریں۔ مانا کہ یہ تکلیف برداشت کرنا مشکل ہوتی ہے مگر وقت گزرتے ساتھ کم ہوتے ہوتے ختم ہو ہی جاتی ہے، شرط یہ کہ سوچوں پر قابو ہو۔ آپ کی شخصیت کوئی گری پڑی شے نہیں کہ کوئی آپ کو چھوڑے بھول جائے پھر بھی اُس کے پیچھے پیچھے لپکیں۔ آپ اپنے جذبوں کو پہلے اہمیت دیں گے تبھی کوئی دوسرا دیگا۔ لیکن ایسے کمزور بنیں گے تو روتے رہیں گے پیچھے رہ جائیں گے، بے قدرے ہو جائیں گے۔ اس لیے اُٹھیں مسکرائیے اور خود کو بدلنے کی کوشش کریں تا کہ کچھ لوگوں کو پچھتاوے کے مستقل مرض میں مبتلا کر سکیں، زندگی انمول ہے اور خاص طور پر آپ🥀
