اسلا م آ با د (ویب ڈیسک)پاکستان میں بدھ کو 2019 میں دیے گئے سی ایس ایس کے امتحانات کا حتمی نتیجہ سامنے آیا تو کامیاب ہونے والے امیدواروں میں ایک نام ایسا بھی تھا جس کے لیے پاکستان کی سول سروس میں نوکری گھر کی سی بات بن گئی ہے۔پانچ بہنوں میں سب سے چھوٹی ضحیٰ ملک شیر پاکستان میں سینٹرل سپیریئر سروس کے امتحان کو پاس کر کے پاکستانی سول سروس کا حصہ بننے والی اس خاندان کی پانچویں رکن ہیں۔ان سے قبل ان کی چاروں بہنیں بھی سی ایس ایس کرنے کے بعد مختلف سرکاری عہدوں پر کام کر رہی ہیں۔21 سالہ ضحیٰ ملک شیر جو پاکستانی سول سروس کا حصہ بننے والی اپنے خاندان کی پانچویں رکن ہیںان پانچوں بہنوں کا تعلق صوبہ خیبر پختونخوا کے ضلع ہری پور سے ہے اور ملک رفیق اعوان اور خورشید بیگم کی ان پانچوں بیٹیوں نے راولپنڈی کے کانونٹ سکول سے ابتدائی تعلیم حاصل کی۔
'کسی کو کچھ بھی خبر نہیں ہے' واشنگٹن —وہ ایک سرجن ہیں۔ قائدِ اعظم میڈیکل کالج بہاولپور کے پرنسپل رہے ہیں۔ سرجنز اور ڈاکٹروں کے استاد ہیں۔ مگر ڈاکٹر جاوید اقبال کو یہ معلوم نہیں ہے کہ کرونا وائرس کا زور کب تھمے گا۔ فکر ہے تو یہ کہ اپنے لوگوں کو اس کی شدت کا احساس کیسے دلائیں۔ ڈاکٹر جاوید اقبال کے اپنے دو ڈاکٹر بیٹے اس مرض میں مبتلا ہو چکے ہیں اور وہ ان کا خود علاج کر رہے ہیں۔ لیکن، وہ کہتے ہیں کہ بعض اوقات انہیں ایک الجھن، ایک بے بسی سی محسوس ہوتی ہے کہ ایک ڈاکٹر کی حیثیت سے وہ جو کچھ جانتے ہیں اپنے ملک کے لوگوں کو اس پر عمل کرنے پر مجبور نہیں کر سکتے۔
کراچی: عالمی وبا قرار دیے جانے والے کورونا وائرس سے شہر قائد کے زیادہ متاثرہ علاقوں میں اسمارٹ لاک ڈاؤن کرنے کی تجویز پیش کی گئی ہے۔ہم نیوز کے مطابق یہ تجویز ڈپٹی کمشنر ضلع غربی نے پیش کی ہے۔ انہوں نے اس ضمن میں کمشنر کراچی کو باقاعدہ مراسلہ بھیج دیا ہے۔ڈپٹی کمشنر ضلع غربی فیاض سولنگی کی جانب سے کمشنر کراچی کو بھیجے جانے والے مراسلے میں ذرائع کے مطابق کہا گیا ہے کہ منگھوپیر کی یوسی 5، بلدیہ کی یوسی 3 اور5 میں کورونا وائرس کے بڑھتے ہوئے کیسز کی وجہ سے اسمارٹ لاک ڈاون کی ضرورت ہے۔ہم نیوز کو اس سلسلے میں ذرائع نے بتایا ہے کہ ڈپٹی کمشنر نے اپنے مراسلے میں تجویز پیش کی ہے کہ سائٹ کی یوسی 4 اوریوسی 6 میں بھی اسمارٹ لاک ڈاون کرنے کی ضرورت ہے
راولپنڈی: بھارتی فوج نے لائن آف کنٹرول (ایل او سی) پر ایک بار پھر بلا اشتعال فائرنگ کی ہے جس میں ایک شہری کے زخمی ہونے کی اطلاعات ہیں.بھارتی فوج نے ایک بار پھر بین الاقوامی قوانین کی کھلم کھلا خلاف ورزی کرتے ہوئے لائن آف کنٹرول (ایل او سی) پر سویلین آبادی کو اپنی فائرنگ سے نشانہ بنایا ہے۔ — DG ISPR (@OfficialDGISPR) June 16, 2020 ڈی جی آئی ایس پی آر کے مطابق انڈین فوج نے لائن آف کنٹرول کے علاقے باغسر میں شہری آبادی کو فائرنگ کا نشانہ بنایا۔ بھارتی فوج کی بلا اشتعال فائرنگ سے مہتیکا گاؤں کا رہائشی شہری بابر حسین زخمی ہو گیا۔ خیال رہے کہ بھارتی فوج نے 12 جون کو بھی آزاد جموں و کشمیر کے مختلف سیکٹرز پر بلااشتعال فائرنگ کی تھی جس کے نتیجے میں بزرگ خاتون جاں بحق اور دو افراد زخمی ہوئے تھے۔
پاکستان کے مختلف علاقوں میں منگل کی صبح زلزلے کے جھٹکے محسوس کئے گئے۔اسلام آباد کے زلزلہ پیما مرکز نے بتایا کہ اسلام آباد،راول پنڈی، مردان ،بونیر،مالاکنڈ اور ایبٹ آباد میں زلزلہ محسوس کیا گیا۔زلزلہ پیما مرکز نے مزید بتایا کہ 5.7 شدت کے زلزلے کا مرکز تاجکستان تھا اور اس کی گہرائی 112 کلومیٹر تھی۔زلزلے کے باعث کسی جانی یا مالی نقصان کی کوئی اطلاع موصول نہیں ہوئی۔
