وہ آنے والا نہیں پھر بھی آنا چاہتا ہے
مگر وہ کوئی مناسب بہانا چاہتا ہے
یہ زندگی ہے، یہ تو ہے، یہ روزگار کے دُکھ
ابھی بتا دے۔۔۔۔۔کہاں آزمانا چاہتا ہے
کہ جیسے اس سے ملاقات پھر نہیں ہوگی
وہ ساری باتیں اکٹھی بتانا چاہتا ہے
میں سن رہا ہوں اندھیرے میں آہٹیں کیسی
یہ کون آیا ہے اور کون جانا چاہتا ہے
اسے خبر ہے کہ مجنوں کو راس ہے جنگل
وہ میرے گھر میں بھی پودے لگانا چاہتا ہے
وہ خود غرض ہے محبت کے باب میں تابشؔ
کہ ایک پل کے عوض اک زمانہ چاہتا ہے
یہی چنار یہی جھیل کا کنارا تھا
یہیں کسی نے مرے ساتھ دن گزارا تھا
نظر میں نقش ہے صبح سفر کی ویرانی
بس ایک میں تھا اور اک صبح کا ستارا تھا
مرے خلاف گواہی میں پیش پیش رہا
وہ شخص جس نے مجھے جرم پر ابھارا تھا
خراج دیتا چلا آ رہا ہوں آج تلک
میں ایک روز زمانے سے جنگ ہارا تھا
مجھے خود اپنی نہیں اس کی فکر لاحق ہے
بچھڑنے والا بھی مجھ سا ہی بے سہارا تھا
زمیں کے کام اگر میری دسترس میں نہیں
تو پھر زمیں پہ مجھے کس لیے اتارا تھا
میں جل کے راکھ ہوا جس الاؤ میں عامرؔ
وہ ابتدا میں سلگتا ہوا شرارہ تھا
مقبول عامر
پھر اسکے بعد میں نے دیر تک آئینہ تکا تھا
وہ مجھے چھوڑ کر جب رقیب کے ساتھ چلا تھا
جانے وہ کون لوگ تھے جنکے لئے فیض تھی محبت
ہمارا تو اس کہانی میں بس دل ہی جلا تھا🍃
کچھ سوچ کر ہی خدا نے ملایا ہوگا،
ورنہ اتفاق خوبصورت نہیں ہوا کرتے 🥀
ایک تُو تھا جسے غُربت میں پُکارا دِل نے
ورنہ، بِچھڑے ہُوئے احباب تو سب یاد آئے
پُھول کِھلنے کا جو موسم مِرے دل میں اُترا
تیرے بخشے ہُوئے کچھ زخم عجَب، یاد آئے۔
ایک تنہائ کی آفت ہے ۔۔۔۔۔۔۔۔گزر جاۓ گی
لوگ دیواروں سے باتیں بھی تو کر لیتے ہیں۔۔🥀🖤😓
یہ تلخیاں یہ اذیتیں ، میری روح میں یوں اتر گئی
میں شہد سے کب زہر بنی میری زات مجھ سے ہی الجھ گئی
