گئے موسم میں جو کھلتے تھے گلابوں کی طرح
دل پہ اتریں گے وہی خواب عذابوں کی طرح
راکھ کے ڈھیر پہ اب رات بسر کرنی ہے
جل چکے ہیں مرے خیمے مرے خوابوں کی طرح
ساعت دید کہ عارض ہیں گلابی اب تک
اولیں لمحوں کے گلنار حجابوں کی طرح
وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح
غیر ممکن ہے ترے گھر کے گلابوں کا شمار
میرے رستے ہوئے زخموں کے حسابوں کی طرح
یاد تو ہوں گی وہ باتیں تجھے اب بھی لیکن
شیلف میں رکھی ہوئی بند کتابوں کی طرح
کون جانے کہ نئے سال میں تو کس کو پڑھے
تیرا معیار بدلتا ہے نصابوں کی طرح
شوخ ہو جاتی ہے اب بھی تری آنکھوں کی چمک
گاہے گاہے ترے دلچسپ جوابوں کی طرح
ہجر کی شب مری تنہائی پہ دستک دے گی
تیری خوش بو مرے کھوئے ہوئے خوابوں کی طرح
پروین شاکر ۔۔۔۔۔
کندن ہوئے ہیں آگ بھی اپنی لگا کے ہم
ہم پر کسی سنار کی مرضی نہیں چلی۔۔
🖤
نگاہ ناز کا اک وار کر کے چھوڑ دیا
دل حریف کو بیدار کر کے چھوڑ دیا
ہوئی تو ہے یوں ہی تردید عہد لطف و کرم
دبی زبان سے اقرار کر کے چھوڑ دیا
شکیل بدایونی
#everyonefollowers
صدیوں سے راہ تکتی ہوئی گھاٹیوں میں تم
اک لمحہ آ کے ہنس گئے میں ڈھونڈھتا پھرا
ان وادیوں میں برف کے چھینٹوں کے ساتھ ساتھ
ہر سو شرر برس گئے میں ڈھونڈھتا پھرا
راتیں ترائیوں کی تہوں میں لڑھک گئیں
دن دلدلوں میں دھنس گئے میں ڈھونڈھتا پھرا
راہیں دھوئیں سے بھر گئیں میں منتظر رہا
قرنوں کے رخ جھلس گئے میں ڈھونڈھتا پھرا
تم پھر نہ آ سکو گے بتانا تو تھا مجھے
تم دور جا کے بس گئے میں ڈھونڈھتا پھرا
مجید امجد ~
تمہارے رخ سے میں نظریں ہٹا نہیں پاتا
تو کیا یہ پھول ندی چاند سب اضافی ہیں.!
میں وہ چراغ ہوں جو آندھیوں میں روشن تھا
خود اپنے گھر کی ہوا نے بجھا دیا مجھے۔
سنو ہم بیٹھ کر تنہا کسی ویران گوشے میں
ہوا کو دکھ سنائیں گے تجھے ہم بھول جائیں گے
وقت کے ساتھ ہے مٹی کا سفر صدیوں سے
کس کو معلوم کہاں کے ہیں کدھر کے ہم ہیں
ندا فاضلی
میرا خزانہ زمانے کے ہاتھ جا نہ لگے
تجھے کسی کی، کسی کو تیری ھوا نہ لگے
دُعا کرو کہ کسی کا نہ دل لگے تم سے
لگے تو اور کسی سے لگا ہوا نہ لگے
#tharkimashoomsha
کسی کے ہجر میں احساس مر گئے میرے
میں اک ولی تھا جسے دکھ دکھائی دیتے تھے
✨🖤
میرے اوصاف سے ہوتی نہیـــں پہچان میری!!
اپنے عیبوں سے نمـایاں ہـوں ہمیشــہ کی طرح 🔥🖤
ہم جسے اپنا چاند کہتے تھے
اس نے تارے دکھا دئیے ہمکو
#tharkimashoomsha
بھلاتا لاکھ ہوں لیکن برابر یاد آتے ہیں
الٰہی ترک الفت پر وہ کیونکر یاد آتے ہیں
نہ چھیڑ اے ہم نشیں کیفیت صہبا کے افسانے
شراب بے خودی کے مجھ کو ساغر یاد آتے ہیں
رہا کرتے ہیں قید ہوش میں اے وائے ناکامی
وہ دشت خود فراموشی کے چکر یاد آتے ہیں
نہیں آتی تو یاد ان کی مہینوں تک نہیں آتی
مگر جب یاد آتے ہیں تو اکثر یاد آتے ہیں
حقیقت کھل گئی حسرتؔ ترے ترک محبت کی
تجھےتو اب وہ پہلےسےبھی بڑھ کر یاد آتے ہیں
حسرت موہانی
#M_A
مری زہر آلود سماع کو کر دیتی ہے شفاف
جانے کیا شیرینی ھے عاصم زُباں میں تری
کُچھ بھی کہنے سے قبل یہ سوچ لیجئيو
کہ جان بَستی ہے کِسی کی جاں میں تری
عاصم حجازی ✍️
عشق ریشم سے بُنی شال ہے، آہستہ چُھو....!!
ایک دھاگہ جو کُھلے، شال اُدھڑ جاتی ہے....!!
آپ پوشاک اُدھڑنے پہ ہیں گھبرائے ہوئے.!!؟؟
صاحب ! عشق میں تو کھال اُدھڑ جاتی ہے____!!!!
تمھاری ذات سے ہٹ کر حرام ہوں سب پر
میں اپنے آپ سے جتنا بچا تمھارا ہوں
اس کے لفظوں میں حرارت کا ہے عنصر گویا
بات کرتا نہیں باتوں سے جلا دیتا ہے
مسما ناز
عکس پڑتے ہی آئینے سبھی ٹوٹ گئے
نبض کاٹی تو رگیں خون سے خالی نکلیں
میرا دل درد مسلسل کی گرفت میں رہا
خشک آنکھوں سے خوابوں کی لاشیں نکلیں !!
#tharkimashoomsha
غم ماضی غم حاضر غم فردا کے سوا
زندگی کچھ بھی نہیں خون تمنا کے سوا
مشکلیں ٹوٹ پڑیں جب بھی حوادث کی طرح
کوئی اپنا نہ ہوا اک دل تنہا کے سوا__!!
#tharkimashoomsha
بے مروت بے وفا بندے سے پالا پڑ گیا
چار دن میں لاڈلی کا رنگ کالا پڑ گیا
نرم ہاتھوں میں جہاں پر تھی محبت کی لکیر
وقت نے یوں زور سے مسلا کہ چھالا پڑ گیا
شہر کا جن ایک کنبہ اور اٹھا کر لے گیا
گاؤں کے اک اور دروازے پہ تالہ پڑ گیا
مسکرا کر ہچکچا کر جھانکنے والی کے بعد
اُس پرانی ادھ کُھلی کھڑکی میں جالا پڑ گیا
#tharkimashoomsha
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain