ایک گاؤں میں ایک بڑے میاں فوت ہوگئے، مدرسے میں استاد صاحب نے چھٹی کا اعلان کردیا۔ بچے خوشی خوشی مدرسے سے باہر کی طرف بھاگنے لگے۔ سامنے سے دو بوڑھوں کو آتا دیکھ کر ایک بچے نے دوسرے سے کہا: ”یار! وہ دیکھو سامنے سے دو چھٹیاں اور آرہی ہیں۔“
شوہر "ہم آج کھانا باہر کھائیں گے۔" بیوی (خوش ہوتے ہوئے)، "آپ دس منٹ ٹھہریں میں ابھی تیار ہو کر آتی ہوں۔" "تیار ہونے کی ضرورت نہیں، جا کر کھانا بناؤ۔ میرا کہنے کا مطلب تھا کہ کھانا باہر صحن میں کھائیں گے۔" شوہر نے کہا۔
ایک شخص: یہ لڑکا تمہارا کیا لگتا ہے۔ دوسرا: یہ میرا دور کا بھائی ہے۔ پہلا: دور کے بھائی سے تمہاری کیا مراد ہے؟ دوسرا: میرے اور اس کے درمیان دس بھائیوں کا فاصلہ ہے۔
ایک شخص ایک نجومی کے پاس گیا اور پوچھا: ”یہ بتاؤ!ابھی تھوڑی دیر بعد کیا ہونے والا ہے۔“ اس نے جواب میں کہا کہ مجھے معلوم نہیں، اس شخص نے اس کے منہ پر ایک زور دار تھپڑ مارا اور بولا: ” یہ ہونے والا تھا۔“
