ہنجو پلے پان دی گل اے،
عشق نرے نقصان دی گل اے۔
نہ رکھنا خاص تم ہم کو،
بھلے ھی عام رکھ لینا
مگر محفل میں تم اپنی،
فقط ہمارا نام رکھ لینا
تمھارے نام سے پہلے
ہمارا نام آئے تو
ہمارے نام کو بےشک
برائے نام رکھ لینا
گوارا گر نہ ھو تم کو
ہمیں احباب میں رکھنا
تمھیں یہ بھی اجازت ھے،
ہمیں گمنام رکھ لینا...
اک تیرے سوا
ہمیں کوئی زوال نہیں
یوں تو خوش ھوں بہت
!!....مگر
حال یہ ھے کہ
میرا کوئی حال نہیں.
طویل مسافت کو مٌقام مل گیا
جیسے کسی رِند کو جام مل گیا
سمیٹا ھے لحد نے پہلو میں اپنے
آج دیکھو مجھے احترام مل گیا
کلام: ثاقب بن صابرؔ
کہتے ہیں کہ میر تقی میر نے اپنا گھر بیچ کر کے اپنی اکلوتی بیٹی کو جہیز دیا تھا۔
شادی کے بعد بیٹی کو کسی نے کہا تیرے باپ نے اپنا گھر اجاڑ کر تیرا گھر بسا دیا، بیٹی بہت حساس تھی یہ سن کر وہ بیمار پڑ گئی اور اسی غم میں گھل گھل کر کچھ ھی دنوں میں انتقال کر گئی۔
میر تقی میر بیٹی کا آخری دیدار کرنے گئے٬ کفن اٹھا کر بیٹی کو دیکھا اور کیسا غضب کا شعر کہا(جو ان کی زندگی کا آخری شعر کہا جاتا ھے)
اب آیا ھے خیال اے آرام جان اس نامرادی میں
کفن دینا تمہیں بھولےتھے ہم اسباب شادی میں
ناامیدی موت سے کہتی ھے اپنا کام کر
آس کہتی ھے ٹھہر خط کا جواب آنے کو ھے
فانی بدایونی
اُن کے لَب پر مِرا گِلہ ھی سہی
یاد کرنے کا سِلسِلہ تَو ھے
عبدالصمد تپشؔ
محبت ہار جائے تو مداوا پھر نہیں ھوتا۔۔
فلک سے بارشیں اتریں
گلوں پر تتلیاں ٹھہریں
بہاریں آکے رک جائیں
چمبیلی جس قدر مہکے
بلا کا دلنشیں موسم
کوئی اچھا نہیں لگتا۔۔
ندامت خیز آنکھوں میں
لہو کے اشک لیکر بھی
پلٹ کے آنے والا بھی
کبھی سچا نہیں لگتا
محبت ہار جائے تو مداوا پھر نہیں ھوتا
جنوں میں جرمِ وفا ، بار بار ھم نے کیا
تیری نگاہ پہ ، کیوں اعتبار ھم نے کیا؟؟
ھمیں خبر تھی ، شبِ ھجر تُو نہ آئے گا
خلوصِ دل سے ، مگر انتظار ھم نے کیا
یہ اور بات کہ ، خود تو خزاں نصیب رھے
تجھے تو ، شعلۂ رنگِ بہار ھم نے کیا
اِسی میں تیری محبٌت کی ، ھر خوشی پائی
کہ تیرے عشق میں ، ھر غم سے پیار ھم نے کیا
پتا ملتا نہیں اس بے نشاں کا
لیے پھرتا ھے قاصد جا بجا خط
جانے کیا واقعہ ھے ھونے کو
جی بہت چاہتا ھے رونے کو
جون ایلیاء
میرا برسوں کا تراشیدہ بھرم ٹوٹ گیا
جنبشِ ضبط کے بس ایک ھی اندازے پر
دستکیں بکھری ہیں دہلیز کے باہر ساری
انگلیاں ٹوٹ گئی ہیں ترے دروازے پر
بس عشق کے مرشد سے ذرا خوف زدہ ھوں
جھیلے ہیں ویسے تو بہت نقصان وغیرہ
ان میں سے کوئی ہجر میں امداد کو آئے
جن _ دیو _ پری 'خضر' یا 'لقمان' وغیرہ
جو رنگ بھرے شعر میں ، پژمردہ ہیں سارے
اب شہر کے خوش باش بھی ، افسردہ ہیں سارے
شاخوں پہ ھوا ماتمی آواز میں روئی
موسم بھی ترے بعد کے آزردہ ہیں سارے
کومل جوئیہ
اسے کسی سے محبت تھی اور وہ میں نہیں تھا
یہ بات مجھ سے زیادہ اسے رلاتی تھی ۔
علی زریون
ہمیں عشق میں میرؔ چپ لگ گئی ھے
نہ شکر و شکایت، نہ حرف و حکایت
✍🏻 میر تقی میر
ھر چند نظر نے جھیلے ہیں
ھر بار سنہرے گھاؤ بھی
ہم آج بھی دھوکہ کھا لیں گے
تم بھیس بدل کر آؤ بھی
قتیل شفائی
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain