سانسوں کے سلسلے کو نہ دو زندگی کا نام__
جینے کے باوجود بھی مر جاتے ہیں کچھ لوگ_
مجھے شوق تھا کہ ملوں تجھے
مجھے خوف بھی تھا کہوں گا کیا؟؟
تیرےسامنے سے نکل گیا
بڑا سہما سہما_ ڈرا ڈرا.
ہم آج بھی ہیں سوچ میں ڈوبے ہوئے محسنؔ
خود سے کبھی دنیا سے روٹھے ہوئے محسنؔ
دینے کے لئے اس کو، جو ہم نے سنبھالے تھے
وہ پھول کتابوں میں ہیں، سوکھے ہوئے محسنؔ
وہ اپنی جفاؤں میں کچھ کمی تو کریں آج
اک عمر ہوئی شہر وہ چھوڑے ہوئے محسنؔ
ہم نے یہ کہا تھا کہ انہیں پیار ہے ہم سے
ہم آج بھری بزم میں جھوٹے ہوئے محسنؔ
آغوش میں ان کی ہمیں راحت جو ملی ہے
ہم آج کچھ اندر سے ہیں ٹوٹے ہوۓ محسن...!
ہمیں خبر ہے تمام دکھ ہے یہ
آس دکھ ہے نراس دکھ ہے
اداسیوں کا لباس دکھ ہے
یہ تشنگی جو عذاب بن کر ٹھہر گئی ہے
بدن کے بوسیدہ ساحلوں پر
تو اسکا عہد دوام دکھ ہے
یہ شور کرتی ہوا کا سارا خرام دکھ ہے
ہمیں خبر ہے
تمام دکھ ہے
یہ تم محبت جو نبھا رہے ہو
تو اس محبت کا نام دکھ ہے
یہ وصل موسم جو اک مسلسل مغالطہ ہے
تو اس رفاقت کا نام دکھ ہے
اور ایسی وحشت نما وفا میں
خاموش رہنا بھی اک سزا ہے
مگر کسی سے کلام دکھ ہے
ہمیں خبر ہے تمام دکھ ہے۔۔۔!
ہمیں خبر ہے لٹیروں کے سب ٹھکانو کی
شریک جرم نہ ہوتے تو مخبری کرتے
اے محبت تِرے انجام پہ رونا آیا
جانے کیوں آج تِرے نام پہ رونا آیا
یوں تو ہر شام امیدوں میں گزر جاتی تھی
آج کچھ بات ہے جو شام پہ رونا آیا
کبھی تقدیر کا ماتم کبھی دنیا کا گلہ
منزلِ عشق میں ہر گام پہ رونا آیا
مجھ پہ ہی ختم ہوا سلسئہ نوحہ گری
اس قدر گردشِ انجام پہ رونا آیا
جب ہوا ذکر زمانے میں محبت کا شکیل
مجھ کو اپنے دلِ ناکام پہ رونا آیا
ہماری موت جوانی میں لکھ دی جاتی ہے
ہم ایسے لوگ فقط منہ دکھانے آتے ہیں
لگتا ہے میں تم سے خفا ہوں
چلو چھوڑو کونسا تم خدا ہو
لگتا ہے تم مجھ سے جدا ہو
چلو چھوڑو کونسا پہلی دفعہ ہو
لگتا ہے میں مر رہا ہوں
چلو چھوڑو کونسا تم دوا ہو۔۔
کوچۂ یار میں اوّل تو گُزر مُشکل ہے !!!
جو گُزرتے ہیں زمانے سے گُزر جاتے ہیں
کوچۂ یار میں اوّل تو گُزر مُشکل ہے !!!
جو گُزرتے ہیں زمانے سے گُزر جاتے ہیں
پاگل ہے دیوانہ ہے یہ، بہکی باتیں کرتا ہے
یاں میرے سب گھر والوں کو مجھ شاعر سے مسئلہ ہے
بقول گھر والے
محسن کو کیوں پڑھتا ہے، کیوں جون کو مرشد کہتا ہے
ہنستے ہنستے روتا ہے اور روتے روتے ہنستا ہے
پیوست ہیں آنکھوں میں ٹوٹے خوابوں کے ریزے
جاتے نہیں پہچانے پہچانے ہوئے چہرے
لہرا کے جھوم جھوم کے لا مسکرا کے لا
پھولوں کے رس میں چاند کی کرنیں ملا کے لا
کہتے ہیں عمرِ رفتہ کبھی لوٹتی نہیں
جا میکدے سے میری جوانی اٹھا کے لا
محسوس ہو رہا ہے ستارے علیل ہیں
اُنکو بھی ایک گھونٹ کہیں سے پلا کے لا
ساغر شِکن ہے شیخ بلانوش کی نظر
شیشے کو زیرِ دامن رنگیں چُھپا کے ل
کیوں جا رہی ہے روٹھ کر رنگینیٔ بہار
جا ایک مرتبہ اُسے پھر ورغلا کے لا
دیکھی نہیں ہے تو نے کبھی زندگی کی لہر
اچھا تو جا عدمؔ کی صراحی اٹھا کے لا
کسی شام آ
میرے محرما
سبھی رازِہستی
بیاں کروں
کبھی خود کو
تسبیح سا پھیر دوں
کبھی تجھ کو
وردِ زباں کروں
ﺻﺎﻑ ﮔﻮﺋﯽ ﺻﻔﺖ ﻧﮩﯿﮟ ﮐﻮﺋﯽ
ﮨﻢ ﺳﮯ ﮨﺮ ﺷﺨﺺ ﺭﻭﭨﮫ ﺟﺎﺗﺎ ﮨﮯ۔۔
تیرگی ہے کہ ۔۔۔۔۔۔۔۔۔ اُمنڈتی ہی چلی آتی ہے
شب کی رگ رگ سے لہو پھٹ رہا ہو جیسے
چل رہی ہے کچھ اس انداز سے نبضِ ہستی
دونوں عالم کا نشہ ۔۔۔۔۔۔۔۔۔ ٹوٹ رہا ہو جیسے
میرے جیسے اس بستی میں اور بھی پاگل رہتے ہیں
سب نے آنکھیں گروی رکھ کر آدھے خواب خریدے ہیں
کوئل کوا چیل ,کبوتر طوطا مینا چڑیا ,مور
شام ڈھلے سب چپ چپ بیٹھے ,اک دوجے کو تکتے ہیں
دریا ساغر ,امبر بادل بارش ,آندھی, دھوپ, ہوا
سب تیرا بہروپ ہے سائیں! تیرا نام ہی جپتے ہیں
خالی کرسی,دو کپ چائے,سبزہ,خوشبو,بوندا باندی
صبح سویرے مجھ سے مل کر تیر ی باتیں کرتے ہیں
ہجر , اداسی , وحشت, آنسو , آوارہ پن , بیزاری
شوریدہ دل ,چاک گریباں,سب الفت کے جھگڑے ہیں
ساغر, میر ,فراز اور غالب, مومن, داغ, قتیل اور فیض
اوڑھ کے مصرعے نظمیں, غزلیں, چین ,سکون سے سوئے ہیں
باتیں, یادیں ,راتیں ,آنکھیں ,بانہیں, آہیں ,فریادیں
سُونے گھر کے اک کونے میں اکثر مل کر روتے ہیں
چاند,ستارے ,جگنو,سورج, پریاں ,جن اور اڑتے پنچھی
سب دھرتی پر آکر دانش اس کے پاؤں کو چھوتے
منزلیں لاکھ کٹھن آئیں گُزر جاؤں گا
حوصلہ ہار کے بیٹھوں گا تو مر جاؤں گا
چل رہے تھے جو میرے ساتھ کہاں ہیں وہ لوگ
جو یہ کہتے تھے کہ رستے میں بِکھر جاؤں گا
در بدر ہونے سے پہلے کبھی سوچا بھی نہ تھا
گھر مُجھے راس نہ آیا تو کِدھر جاؤں گا
یاد رکھے مُجھے دنیا تری تصویر کے ساتھ
رنگ ایسے تری تصویر میں بھر جاؤں گا
لاکھ روکیں یہ اندھیرے مرا رستہ لیکن
میں جِدھر روشنی جائے گی اُدھر جاؤں گا
راس آئی نہ محبت مُجھے ورنہ ساقیؔ
میں نے سوچا تھا کہ ہر دِل میں اُتر جاؤں گا
آج پِھر عدم شام سے غمگیں ہے طبیعت..
پِھر آج سرِ شام، میں کُچھ سوچ رہا ہُوں
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain