خُدا تمہیں ایسے نابینا سے محفوظ رکھے جو دنیا دیکھ سکتا ہو مگر تمہاری آنکھوں کی بُجھتی شمعیں اُسے دکھائی نا دیں۔ خدا تمہیں ایسے بہرے سے محفوظ رکھے جس کے پاس سماعت ہو مگر تمہارے دل کے ٹوٹنے کی آواز اس تک نہ پہنچے۔ ایسے گونگے سے محفوظ رکھے جس کے پاس قوتِ گویائی ہو مگر وہ تمہاری روح کی زبان بولنے اور سمجھنے سے قاصر ہو۔ خدا تمہیں ایسے قدردانوں سے محفوظ رکھے جنہیں مادی چیزوں کی اہمیت معلوم ہو مگر وہ تمہارے قیمتی دل کی قدر نا کر سکیں"
آمین اللّھمّ آمین 🤍
کسی کو دے کے دل کوئی نوا سنجِ فغاں کیوں ہو
نہ ہو جب دل ہی سینے میں تو پھر منہ میں زباں کیوں ہو
وہ اپنی خو نہ چھوڑیں گے ہم اپنی وضع کیوں چھوڑیں
سبک سر بن کے کیا پوچھیں کہ ہم سے سر گراں کیوں ہو
کِیا غم خوار نے رسوا، لگے آگ اس محبّت کو
نہ لاوے تاب جو غم کی، وہ میرا راز داں کیوں ہو
وفا کیسی کہاں کا عشق جب سر پھوڑنا ٹھہرا
تو پھر اے سنگ دل تیرا ہی سنگِ آستاں کیوں ہو
قفس میں مجھ سے رودادِ چمن کہتے نہ ڈر ہمدم
گری ہے جس پہ کل بجلی وہ میرا آشیاں کیوں ہو
یہ کہہ سکتے ہو "ہم دل میں نہیں ہیں" پر یہ بتلاؤ
کہ جب دل میں تمہیں تم ہو تو آنکھوں سے نہاں کیوں ہو
غلط ہے جذبِ دل کا شکوہ دیکھو جرم کس کا ہے
نہ کھینچو گر تم اپنے کو، کشاکش درمیاں کیوں ہو
یہ فتنہ آدمی کی خانہ ویرانی کو کیا کم ہے
ہوئے تم دوست جس کے، دشمن اس کا آسماں کیوں ہو
زلفیں بھی سنور جاتیں،چہرہ بھی سنور آتا
گر ہم کو قرینے سے کہنے کا ہنر آتا
صحرا میں چلے جاتے،آندھی سے بھڑک اٹھتے
پانی میں اترتے تو پانی میں بھنور آتا
دروازہ کھلا رکھتے،راہیں بھی وفا کرتیں
تب باد صبا آتی،تب رشک قمر آتا
رستے کے مسافر بھی کچھ ذوق وفا رکھتے
پھر ہم بھی سفر کرتے،خوش ہم کو سفر آتا
ہم تشنہ نصیبوں کا بس ایک ترانا تھا
وہ بار دگر آتا، وہ بار دگر آتا
اک حسرت ناسفتہ نادر نے بھی پالی تھی
حسرت بھی مہک اٹھتی،وہ شخص اگر آتا
نادر گوہلوی
خوش رہو، سب کے ساتھ رہو… مگر حسد مت کرو۔
کسی کی چمک کم کرنے سے اپنی روشنی نہیں بڑھتی۔
“جو آنکھیں لوگوں کی خوشی برداشت نہیں کرتیں… وہ سب سے پہلے اپنے دل کو بیمار کرتی ہیں۔
دنیا میں سب سے قیمتی وہ انسان ہے جس کی موجودگی دوسروں کے دل کو سکون دے، جس کے لفظوں میں حکمت ہو، اور جس کے رویے میں محبت۔
اصل کامیابی یہی ہے کہ ہم ایسے بن جائیں کہ لوگ ہم سے خوف نہیں، سکون محسوس کریں۔
آئیے خود سے پوچھیں:
کیا ہماری وجہ سے کسی کا دل ہلکا ہوتا ہے؟
کیا ہماری باتوں میں نرمی اور خیرخواہی ہے؟
اللہ ہمیں وہ انسان بنائے جو دوسروں کے لیے رحمت، راحت اور محبت کا سبب ہو۔ 🌷
اگر کوٸ ایسا شخص جو آپ کے لائق نہیں تھا،
آپ کا ماضی چرا چکا ہے
تو پھر آپ کیوں اسے اجازت دیتے ہیں
کہ وہ آپ کا حال بھی چرا لے،
صرف اس لیے کہ وہ اب بھی آپ کے خیالات میں بسا ہوا ہے؟
یاد رکھیے،
حال آپ کا وقت ہے، آپ کا حق ہے۔
اسے اپنی ذات میں، اپنے سنورنے اور بڑھنے میں لگائیے۔
ماضی کے انسان کے پیچھے یہ سوچتے ہوئے وقت ضائع نہ کیجیے کہ وہ کہاں گیا؟ کیا کر رہا ہے؟ کیوں چلا گیا؟ یقین جانئے اب یہی لمحہ، سب سے قیمتی ہے۔
اپنی زندگی کے پہیوں کو حال کی سمت گھمائیے
تاکہ ماضی کا جالا خود بخود بکھر جائے۔❤️🩹
زندگی میں سب کچھ بدل جاتا ہے دوست، حالات، خواب لیکن ایک چیز کبھی نہیں بدلتی وہ ہے والدین کی محبت یہ وہ رشتے ہیں جو بدلے میں کچھ نہیں مانگتے بس ہمیں خوش دیکھنا چاہتے ہیں۔
قرآن میں اللّٰہ تعالیٰ فرماتا ہے: وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا "اور تیرے رب نے حکم دیا کہ اس کے سوا کسی کی عبادت نہ کرو، اور والدین کے ساتھ بھلائی کرو" (سورۃ الإسراء: 23)
سوچیں اللّٰہ نے اپنی عبادت کے فوراً بعد والدین کے احترام کا حکم دیا یہی بتاتا ہے کہ ان کا مقام کتنا بلند ہے ان کے قدموں تلے جنت ہے، ان کی مسکراہٹ میں سکون ہے اور ان کی دعا میں وہ طاقت ہے جو زندگی کے مشکل ترین وقت میں بھی رحمت بن کر سامنے آتی ہے اگر والدین زندہ ہیں تو ان کی خدمت جیتے جی جنت ہے اور اگر اب وہ نہیں ہیں تو اُن کے لیے دعا لازمی کریں۔
`جانتے ہو "وَاهْجُرْهُمْ هَجْرًا جَمِيلًا" کا مطلب کیا ہے؟`
اس کا مطلب ہے:
انہیں ایسے خوبصورت انداز میں چھوڑ دو جس میں نہ تو نفرت ہو، نہ توہین، اور نہ بدکلامی۔
یعنی کنارہ کشی باوقار ہو، خاموشی اور عزت کے ساتھ — بغیر دل دکھائے۔🤍🌚
توجہ بھی محبت کی طرح نایاب ہوتی ہے،
جب کوئی ہمیں اپنی نظر، اپنی باتوں اور اپنی مسکراہٹ سے یہ احساس دلاۓ کہ ہم اس کی کائنات کے مرکز ہیں، تو دل میں ایک انجانی سی راحت اترتی ہے۔
محبت کے کئی رنگ ہیں، مگر سب سے خوبصورت رنگ وہ ہے جب کوئی ہمیں اپنی پوری توجہ دیتا ہے، کیونکہ توجہ کے بغیر الفاظ کھوکھلے لگتے ہیں اور توجہ کے ساتھ خاموشی بھی محبت کا اعتراف بن جاتی ہے.
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain