ہمسفر
میری شاموں کے باسی
ہر اک شام میری درختوں کے پیچھے تُجھے کھوجتی ہے
سڑک کے کنارے کوئ بھی پرندہ کسی دانے دُنکے کا بھوکا نہیں ہے
مگر تیرے ہاتھوں کی لذت _____ بھلا کون خود سے بُھلاۓ ؟
ہم سفر!کون پنجرے اُڑاۓ ؟
فاطمہ مہرو
برگ حنا پہ بیٹھ کے لکھتا ہوں دل کی بات
شاید کہ رفتہ رفتہ لگے دل رُبا کے ہاتھ
میر انیس
حسین لوگ یقیناً خدا کی نظمیں ہیں
جب تم جذبوں کو محسوس کرنے سے گریز کرتے ہو
اور ان تکلیف دہ پہلوؤں سے بھی اجتناب کرتے ہو
وہ پہلو جن سے تمہاری آنکھیں نمناک ہو کر چمکنے لگتی ہیں
اور تمہارا دل تیزی سے دھڑکنا شروع کر دیتا ہے
تو بس سمجھ لو
کہ تم موت کے دروازے پر آہستہ آہستہ دستک دے رہے ہو
جب تم اپنے پیشے اور اپنی محبت سے مطمئن نہیں ہو
اور اس کے باوجود بھی زندگی کا چلن تبدیل نہیں کرتے
اور جب تم اس چیز کا خطرہ مول نہیں لیتے
جو بے یقینی کے لیے محفوظ خیال کی جاتی ہے
جب تم ایک خواب کے پیچھے نہیں جاتے
اور جب تم عمر بھر میں کم از کم ایک بار
خود کو بھاگ جانے کی اجازت نہیں دیتے
تو اس کا مطلب ہے
کہ تم آہستہ سے موت کا ذائقہ چکھنے جا رہے ہو
"پابلو نرودا"
پابلو نرودا کی نثری نظم کا اردو ترجمہ
اگر تم سفر نہیں کرتے، اگر تم مطالعہ نہیں کرتے
اگر تم زندگی کی آوازوں کو نہیں سنتے
اگر تم اپنے آپ کی تحسین نہیں کرتے
تو تم آہستہ آہستہ موت کی وادی میں اتر رہے ہو
جب تم اپنی عزت نفس کو قتل کرتے ہو
جب تم دوسروں کو اپنی مدد نہیں کرنے دیتے
تو تم موت کی طرف آہستہ آہستہ جا رہے ہو
جب تم اپنی عادتوں کے غلام بن جاتے ہو
اور روزانہ ایک جیسے راستوں پہ چلتے ہو
اگر تم اپنا معمول تبدیل نہیں کرتے
اور اپنی زندگی کو مختلف رنگوں سے آراستہ نہیں کرتے
اور ان لوگوں سے نہیں بولتے جن کو تم نہیں جانتے
تو تم آہستہ آہستہ موت کی بانہوں میں جا رہے ہو
(جاری ہے)
خود کو چُنتے ہوئے دن سارا نکل جاتا ہے
پھر ہَوا شام کی چلتی ہے، بکھر جاتا ہوں
فیصل فارابی
ہزار کام مزے کے ہیں داغ اُلفت میں
جو لوگ کچھ نہیں کرتے کمال کرتے ہیں
داغ دہلوی
ذرا سا بیٹھ ابھی ! اور بات کر مجھ سے
حسین شخص ! مرا دل نہیں بھرا تجھ سے
مالا راجپوت
ہمارے پاس تو سگریٹ نما چھڑی بھی نہیں
تمہاری یادوں کے ریوڑ کو , ہانکنے کے لیے
محمد مبشر میو
چشمِ تو بہ حالِ من، گر نیم نظر خندد
خارم بہ چمن نازد، عیبم بہ ہنر خند
تُو اگر میرے حال پر ایک اُچٹتی ہوئی نظر بھی ڈال دے تو میرے کانٹے چمن پر ناز کریں، اور میرے عیب ہنر پر مسکرائیں۔
اب بھی ماچس رکھتی ہو؟ پہلے تو میرے لئے رکھتی تھی ۔۔۔ اب؟ "اب اپنے لئے رکھتی ہوں" مطلب سگریٹ پینا شروع کر دیا کیا ؟ "نہیں ، آپ کی بھولنے کی عادت نہیں گئی میری رکھنے کی عادت نہیں گئی
"ڈائیلاگ گلزار"
فلم اجازت
جس پھول کو دیکھوں یہی لگتا ہے کہ اس میں
اک رنج بھی رہتا ہے مسرت کے علاوه
جی چاہتا ہے پھر سے ملیں اور دلوں میں
کچھ اور تعلق ہو محبت کے علاوه
خورشید رضوی
تُو کس کا ناز ہے کہ تجھے بھی اُٹھائیں ہم
CONSTANTLY,
CONSISTENTLY,
CONTINUALLY,
YOU°-°
ONLYYOU💚
ترکِ تعلقات پہ رویا نہ تو نہ میں
لیکن یہ کیا کہ چین سے سویا نہ تو نہ میں
حالات کے طلسم نے پتھرا دیا مگر
بیتے سموں کی یاد میں کھویا نہ تو نہ میں
ہر چند اختلاف کے پہلو ہزار تھے
وا کر سکا مگر لبِ گویا نہ تو نہ میں
نوحے فصیلِ ضبط سے اونچے نہ ہو سکے
کھل کر دیارِ سنگ میں رویا نہ تو نہ میں
جب بھی نظر اٹھی تو فلک کی طرف اٹھی
برگشتہ آسمان سے گویا نہ تو نہ میں
خالد احمد
اک لڑکی جو مصرع تک نہیں کہہ سکتی
اک لڑکے کو پوری غزلیں دیتی ہے
محسن ظفر ستی
حُسن کسی دوسرے کی نگاہ کے بغیر نا مکمل ہے
کرشن چندر
ترکِ اُلفت پہ بھی تو اتنا ہی پیارا کیوں ہے؟
اپنا وجود چھوڑ تری سمت چل پڑے
یعنی سراب گاہوں سے دریا نکل پڑے
کل آسماں نے ہم کو بلایا کچھ اس طرح
ہم لوگ بھی زمین سے باہر کو چل پڑے
اتنا تھکا دیا ہے تری کھوج نے ہمیں
آ دیکھ لے کے پاؤں ابھی تک ہیں شل پڑے
صحرا مزاج شخص ہوں آ پاس مجھ کو دیکھ
تجھ ایسے میری آنکھ میں کتنے ہیں تھل پڑے
بھاتے نہیں ہیں دنیا کو دو چاند ایک ساتھ
تو ساتھ تھا تو کتنے ہی ماتھوں پہ بل پڑے
مہدی بخاری
کبھی یہ چاند کہانی سُنایا کرتا تھا
🖤
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain