صدقۂ فطر کی مقدار :
گیہوں یا اس کا آٹا یا ستو آدھا صاع(یعنی دوکلو میں 80 گرام کم ) (یاان کی قیمت)، کھجور یامُنَـقّٰی یا جو یا اس کا آٹا یا ستو ایک صاع( یعنی چار کلو میں 160 گرام کم) (یاان کی قیمت) یہ ایک صَدَقَۂِ فِطْر کی مقدار ہے۔ (عالمگیری ج۱ص۱۹۱،دُرِّمُختارج۳ص۳۷۲) ’’بہار شریعت‘‘ میں ہے : اعلٰی درجہ کی تحقیق اور احتیاط یہ ہے کہ: صاع کا وزن تین سو ا۳۵۱کاون روپے بھر ہے اور نصف صاع ایک۱۷۵ سو پَچھتَّر روپے اَٹھنی بھر اوپر۔ (بہارِ شریعت ج۱ص۹۳۹ )
ان چار چیزوں کے علاوہ اگر کسی دوسری چیز سے فطرہ ادا کرنا چاہے، مثلاً چاول، جوار، باجرہ یا اور کوئی غلہ یا اور کوئی چیز دینا چاہے تو قیمت کا لحاظ کرنا ہوگا یعنی وہ چیز آدھے صاع گیہوں یا ایک صاع جو کی قیمت کی ہو، یہاں تک کہ روٹی دیں تو اس میں بھی قیمت کا لحاظ کیا جائے گا اگرچہ گیہوں یا جو کی ہو۔
غریبوں کی جنت
حضور انور صلی ﷲ علیہ وآلہ وسلم کے روضہ اطہر کا دروازہ دیگر مہینوں میں شب جمعہ کو کھلتا ہے مگر ماہ رمضان میں ہمیشہ کھلا رہتا ہے کیوں نہ ہو کہ وہ ہم غریبوں کی جنت ہے۔سبحان اللہ
(مرآة المناجيح149/3)
اصل ایمان حضورِ اقدس ﷺ کی پہچان ہے
اسلام کی اصل یہی ہے کہ پہلے حضور انور. صلی اللہ علیہ وسلم کو پہچانو پھر قرآن مجید وغیرہ کی تعلیمات کو،پہلے کلمہ پڑھ کر مسلمان بنو پھر اور کچھ کرو۔اصل ایمان حضورِ اکرم صلی اللہ علیہ وسلم کی پہچان ہے حتی کہ رب تعالٰی کو بھی حضورِ اقدس ﷺ ہی کی معرفت جانو پہچانو۔
( مرآة المناجيح ١٢٧/٨)
ماہ رمضان میں آسمانوں کے دروازے کھلتے ہیں جن سے اللہ کی خاص رحمتیں زمین پر اترتی ہیں اور جنتوں کے دورازے بھی،جس کی وجہ سے جنت والے حور و غلمان کو خبر ہوجاتی ہے کہ دنیا میں رمضان آ گیا ہے اور وہ روزہ داروں کے لئے دعاؤں میں مشغول ہوجاتے ہیں۔
(مرآة المناجيح 145/3)
3 رمضان دو عظیم شخصیات کا عرس
1: مخدومہ کائنات سیدہ طاہرہ مطہرہ زاہدہ عابدہ فاطمہ زہرا رضی ﷲ عنہا
2: مفسر شہیر حکیم الامت حضرت مفتی احمد یار خان نعیمی رحمۃ اللہ علیہ
1بار سورہ فاتحہ 3 بار سورہ اخلاص اور 10 بار درود شریف پڑھ کر ایصال ثواب کردیں۔
روزہ گنہگاروں کے گناہ معاف کراتا ہے،نیک کار کے درجے بڑھاتا ہے اور ابرار کا قرب الہی زیادہ کرتا ہے.
(مرآة المناجيح 145/3)
حضرت مفتی احمد یار خان نعیمی رحمۃ اللہ علیہ فرماتے ہیں:
روزہ کا منشاء ہے نفس کا زور توڑنا دل میں صفائی پیدا کرنا فقراء اور مساکین کی موافقت کرنا، مساکین پر اپنے دل کو نرم بنانا۔
(مرآة المناجيح 145/3)
پہلی سحری مبارک ہو
دعاوں کی درخواست
رمضان مبارک
ماں کا رتبہ بیشک بہت بلند ہے اور ماں کی اولاد کے لئے قربانیاں بیشک لازوال ہیں ۔مگر مجھے لگتا ہے والد وہ ہستی ہے اس کے بغیر اولاد خصوصا بیٹا ادھورا ہوتا ہے۔میرے والد کو اس دنیا سے گئے 15 سال کا عرصہ گزر گیا میری والدہ نے میری تعلیم و تربیت میں کبھی کمی محسوس نہیں ہونے دی مگر پروفیشنل لائف میں جب سے قدم رکھا ہے مجھے قدم قدم پر والد صاحب کی کمی شدت سے محسوس ہوتی ہے۔اللہ میرے والد محترم کی بخشش فرمائے اور اللہ تبارک وتعالی سب کے والدین کو سلامت رکھے آمین
یاد مصطفیٰ ﷺ میں تڑپنے والے
حضرت ابو ہریرہ رضی ﷲ عنہ سے مروی ہے کہ رسول ﷲ صلی ﷲ علیہ وآلہ وسلم نے فرمایا:
میری امت میں مجھ سے بہت محبت کرنے والے لوگ جو میرے بعد آئیں گے ان میں سے ہر ایک یہی تمنا کرے گا گھر بار ،مال ودولت قربان کرکے صرف ایک بار مجھے دیکھ لے۔
اس حدیث پاک کے تحت مفتی محمد احمد یار خان نعیمی رحمۃ اللہ علیہ فرماتے ہیں:
تمنا کریں گے کہ ہماری جان، مال و اولاد سب فدا ہو جائے مگر ایک نظارہ جمال جہاں آراء کا میسر ہو جائے، آج لوگ مدینہ منورہ کی گلیاں دیکھنے کے لیے کیسے کیسے جتن کرتے ہیں مگر بعض کو میسر نہیں ہوتیں😭۔
(مرآة المناجيح٢٧٨/٨)
شب برات رحمتوں اور مغفرت کی رات ہے، اس مبارک شب میں اللہ تعالیٰ سے گناہوں کی معافی، رزق میں برکت اور دین و دنیا کی بھلائی کی دعا کرنی چاہیے۔
اے اللہ! اس بابرکت رات میں ہمارے گناہ معاف فرما، ہمیں صحت و سلامتی عطا کر، رزق میں وسعت اور برکت نصیب فرما، ایمان پر استقامت دے، اور ہمیں اپنی رحمت و مغفرت سے نواز دے۔ آمین!
بدگوئی نتیجہ ہے سختی کا اوّلا دل میں سختی آتی ہے پھر بدگوئی زبان درازی پھر ہاتھا پائی یعنی مار پیٹ پھر قتل و خون خدا محفوظ رکھے۔شیطان پر سخت رہو بھائی مسلمان پر نرم۔اگر حقیر آدمی کے دل میں نرمی ہو تو وہ عزیز بن جائے گا۔عظیم الشان آدمی کے دل میں سختی ہو تو وہ حقیر ہو جائیگا۔مولانا فرماتے ہیں۔شعر:
در بہاراں کے شود سرسبز سنگ
خاک شو تاگل بروید رنگ رنگ
لوہا نرم ہوکر اوزار بنتا ہے سونا نرم ہوکر زیور۔زمین نرم ہوکر قابل کاشت ہوتی ہے،انسان نرم ہوکر ولی بن جاتا ہے۔
(مرأة المناجیح 441/6)
اللہ کے ساتھ اچھا گمان اس سے امید وابستہ کرنا بھی عبادت میں سے ایک اچھی عبادت ہے۔عبادت سے غافل رہ کر امیدیں باندھنا حماقت ہے جیسے کوئی جو بو کر گندم کاٹنے کی امید کرے۔
(مرأة المناجیح 431/6)
اللہ کے ساتھ اچھا گمان اس سے امید وابستہ کرنا بھی عبادت میں سے ایک اچھی عبادت ہے۔عبادت سے غافل رہ کر امیدیں باندھنا حماقت ہے جیسے کوئی جو بو کر گندم کاٹنے کی امید کرے۔
(مرأة المناجیح 431/6)
لكل شيء إذا ما تم نقصان
فلا يغر بطيب العيش انسان
ہر چیز جب مکمل ہو جاتی ہے تو اس کے نقصان کا آغاز ہو جاتا ہے،
اس لیے کسی بھی انسان کو عمدہ زندگی سے دھوکا نہیں کھانا چاہیے
ہر کمالے را زوالے
حضرت مفتی احمد یار خان نعیمی رحمۃ اللہ علیہ کے والد محترم جاگتی آنکھوں سے تین بار دیدار مصطفیٰ صلی ﷲ علیہ وآلہ وسلم سے شرف یاب ہوئے۔
(حیات حکیم الامت،ص28)
سب سے پہلی اذان
مفسر شہیر حکیم الامت حضرت مفتی احمد یار خان نعیمی رحمۃ اللہ علیہ فرماتے ہیں:
سب سے پہلے اذان حضرت جبریل امین نے معراج کی رات بیت المقدس میں دی جب حضور صلی ﷲ علیہ وآلہ وسلم نے سارے نبیوں کو نماز پڑھائی،مگر مسلمانوں میں ہجرت کے بعد 1ھ میں شروع ہوئی۔
(مرآة المناجيح 387/1)
ہیں صف آراء سب حور و ملک اور غلماں خلد سجاتے ہیں
اک دھوم ہے عرش اعظم پر مہمان خدا کے آتے ہیں
شب معراج کی مبارک گھڑیوں میں ہمیں دعا میں یاد رکھنا
*عورتوں کو تین چیزوں سے بچاؤ*
مفسر شہیر حکیم الامت حضرت مفتی احمد یار خان نعیمی رحمۃ اللہ علیہ فرماتے ہیں:
تین چیزوں ناول،کالج اور تھیٹر وسینما( مفتی صاحب نے اپنے دور کے حساب سے لکھا ہے لیکن آجکل موبائل فون اور ٹی وی بھی اسی میں شامل ہے) سے اپنی لڑکیوں اور بیویوں کو بہت بچاؤ یہ تین چیزیں لڑکیوں کے لئے زہر قاتل ہیں اس وقت لڑکیوں میں خوشی اور آزادی ان تینوں کی وجہ سے ہے کوشش کریں کہ لڑکیاں حیاء دار اور ادب والی بنیں تاکہ تاکہ ان کی اولاد میں بھی یہ اوصاف پائے جائیں ڈاکٹر اقبال فرماتے ہیں بے ادب ماں باادب اولاد جن( پیدا کر) نہیں سکتی۔
(اسلامی زندگی،ص85)
submitted by
uploaded by
profile:
Sorry! Ap apne item ya profile ko report nahi kar saktey, na hi apne ap ko block kar saktey hain